nata

ttm

adweb

udgharsha

 
ಸ್ಯಾಂಡಲ್‌ವುಡ್‌ನಲ್ಲಿ ಇತ್ತೀಚೆಗೆ ಸತ್ಯಕಥೆಗಳನ್ನು ಆಧರಿಸಿದ ಚಿತ್ರಗಳು ಹೆಚ್ಚಾಗಿ ತೆರೆಗೆ ಬರುತ್ತಿವೆ. ಇದೀಗ ಅದೇ ಸಾಲಿನಲ್ಲಿ 'ಎಟಿಎಂ' ಚಿತ್ರ ಕೂಡಾ ಸೇರುತ್ತದೆ. ಈ ಚಿತ್ರದ ಇದೇ 20 ಕ್ಕೆ ಬಿಡುಗಡೆಯಾಗಲಿದೆ.
.
ಅಮರ್‌ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಚಿತ್ರದಲ್ಲಿ ನಿರ್ದೇಶಕರು ಸತ್ಯಕಥೆಯನ್ನು ಆಧರಿಸಿ ಸಿನಿಮಾ ಮಾಡಿದ್ದಾರೆ. ಈಗಾಗಲೇ ಬಿಡುಗಡೆಯಾಗಿರುವ ಟ್ರೇಲರ್‌ ಮತ್ತು ಹಾಡುಗಳು ಜನರನ್ನು ಸೆಳೆದಿದೆ.
.
ಕೆಲವು ವರ್ಷಗಳ ಹಿಂದೆ ಹಿಂದೆ ಬೆಂಗಳೂರಿನ ಕಾಪೋರೇಷನ್‌ ವೃತ್ತದಲ್ಲಿನ ಎಟಿಎಂ ಒಂದರಲ್ಲಿ ಮಹಿಳೆಯ ಮೇಲೆ ಮಾರಣಾಂತಿಕವಾದ ಹಲ್ಲೆ ನಡೆದು ದೇಶದ ಗಮನ ಸೆಳೆದಿತ್ತು. ಇದೇ ಘಟನೆಯನ್ನು ಆಧರಿಸಿ ಈ ಚಿತ್ರವನ್ನು ಕಮರ್ಷಿಯಲ್‌ ಅಂಶಗಳನ್ನು ತುಂಬಿ ನಿರ್ಮಾಣ ಮಾಡಲಾಗಿದೆ.
.
ಇದು ಒಂದು ಕ್ರೈಂ ಓರಿಯಂಟೆಡ್ ಚಿತ್ರ ಎಂಬಂತೆ ಕಂಡರೂ ಈ ಚಿತ್ರದಲ್ಲೆಲ್ಲೂ ಕೊಲೆಗಳನ್ನು ವೈಭವೀಕರಿಸಿಲ್ಲವಂತೆ. ಈ ನೈಜ ಘಟನೆಗೆ ಸಿನಿಮಾ ಟಚ್‌ ನೀಡಿದ್ದಾರೆ ನಿರ್ದೇಶಕ ಅಮರ್‌. ವಿನಯ್ ಈ ಚಿತ್ರದ ಮೂಲಕ ನಾಯಕರಾಗಿ ನಟಿಸುತ್ತಿದ್ದಾರೆ. ಚಂದು ಗೌಡ, ಶೋಭಿತಾ, ಆ್ಯಂಕರ್‌ ಹೇಮಾ ಸೇರಿದಂತೆ ಸಾಕಷ್ಟು ಮಂದಿ ನಟಿಸಿದ್ದಾರೆ.
.
#AttemptToMurder #Cineloka

ರಾಘವೇಂದ್ರ ರಾಜ್‌ಕುಮಾರ್‌ ನಾಯಕರಾಗಿದ್ದ ಹಳೇ ನಂಜುಂಡಿ ಕಲ್ಯಾಣದಲ್ಲಿ ಮದುವೆಯ ಬಗೆಗಿನ ಸರ್ಕಸ್‌ ನಡೆಯುತ್ತದೆ, ಈ ವಾರ ಬಿಡುಗಡೆಯಾಗುತ್ತಿರುವ ನಂಜುಂಡಿ ಕಲ್ಯಾಣದಲ್ಲಿಯೂ ಮದುವೆ ಬಗೆಗಿನ ಸರ್ಕಸ್‌ ನಡೆಯುತ್ತದೆ.

 

ತಾನು ಇಷ್ಟಪಟ್ಟವರ ಜತೆ ಮದುವೆಯಾಗಲು ಸಿನಿಮಾದ ನಾಯಕ ಮಾಡುವ ನಾನಾ ವಿಧದ ಸರ್ಕಸ್ಸೇ ಈ ಚಿತ್ರದ ಕಥೆ. ಬಹಳ ಗಂಭೀರ ವಿಷಯವನ್ನು ಈ ಚಿತ್ರದಲ್ಲಿ ಹಾಸ್ಯದೊಂದಿಗೆ ಹೇಳಲಾಗಿದೆ. ಈ ಕಾರಣಕ್ಕಾಗಿ ಚಿತ್ರ ಎಲ್ಲ ವರ್ಗದ ಪ್ರೇಕ್ಷಕರಿಗೂ ಇಷ್ಟವಾಗಲಿದೆ.

 

 ಸಲಿಂಗಿಗಳು ಮದುವೆಯಾಗುವುದು ನಮ್ಮ ದೇಶದಲ್ಲಿ ನಡೆಯುವುದು ಬಹಳ ಕಡಿಮೆ. ಆದರೆ ವಿದೇಶದಲ್ಲಿ ಇದೆಲ್ಲ ಕಾಮನ್‌, ಹೀಗೆ ವಿದೇಶದಲ್ಲಿ ಸಲಿಂಗಿಯನ್ನು ಮದುವೆಯಾಗಿ ಬಂದು ನಮ್ಮ ದೇಶದಲ್ಲಿ ಏನು ಕಷ್ಟ ಪಡುತ್ತಾನೆ ಎನ್ನುವುದನ್ನು ಚಿತ್ರದಲ್ಲಿನಿರ್ದೇಶಕರು ಹೇಳಿದ್ದಾರೆ. ನಿರ್ದೇಶಕರಿಗೆ ಈ ಸಿನಿಮಾವನ್ನು ನಮ್ಮ ಜನ ಹೇಗೆ ತೆಗೆದುಕೊಳ್ಳುತ್ತಾರೆ ಎಂಬುದೇ ಕುತೂಹಲವಾಗಿದೆಯಂತೆ. ಈ ಚಿತ್ರದಲ್ಲಿ ಎಲ್ಲ ಕಮರ್ಷಿಯಲ್‌ ಅಂಶಗಳು ಇವೆ.

  

ಮಡಮಕ್ಕಿ ಖ್ಯಾತಿಯ ತನುಷ್‌ ಶಿವಣ್ಣ ಚಿತ್ರದ ನಾಯಕ. ಮೊದಲ ಬಾರಿಗೆ ಅವರು ಹೊಸರೀತಿಯ ಪಾತ್ರವನ್ನು ಮಾಡಿದ್ದಾರೆ. ಶ್ರವ್ಯ ನಾಯಕಿಯಾಗಿ ಕಾಣಿಸಿಕೊಂಡಿದ್ದು, ಕುರಿ ಪ್ರತಾಪ್‌ ಗೇ ಪಾತ್ರ ನಿರ್ವಹಿಸಿದ್ದಾರೆ. 

ಪ್ರತಿ ಸಿನಿಮಾ ಆರಂಭಕ್ಕೂ ಮುನ್ನ ಪ್ರಸಾರವಾಗುವ ನೋ ಸ್ಮೋಕಿಂಗ್‌ ಜಾಹಿರಾತಿನಲ್ಲಿ ಕಾಣಿಸಿಕೊಂಡಿದ್ದ ಬಾಲಕಿ ಸಿಮ್ರಾನ್‌ ನಟೇಕರ್‌ ಕೊನೆಗೂ ಕನ್ನಡಕ್ಕೆ ಬಂದಿದ್ದಾರೆ.ಈ ಹುಡುಗಿ ಕನ್ನಡ ಸಿನಿಮಾದಲ್ಲಿ ನಟಿಸಲಿದ್ದಾರೆ ಎಂಬ ಸುದ್ದಿ ಹಬ್ಬಿತ್ತು. ಈಗ ಅವರು ಬಂದು ಸದ್ದಿಲ್ಲದೇ ಶೂಟಿಂಗ್‌ ನಡೆಯುತ್ತಿದೆ.

 

ಇತ್ತೀಚೆಗೆ ಈ ಚಿತ್ರದ ಮುಹೂರ್ತ ಸಹ ನಡೆದಿದೆ. ಸಿಮ್ರನ್‌ ನಟೇಕರ್‌ ಈಗಾಗಲೇ ಬಾಲಿವುಡ್‌ ಸೇರಿದಂತೆ ಹಲವು ಭಾಷೆಯ ಸಿನಿಮಾಗಳಲ್ಲಿ ನಟಿಸಿರುವ ಇವರನ್ನು ನಾನಿ ಸಿನಿಮಾ ಖ್ಯಾತಿಯ ಸುಮಂತ್‌ ಕಾಜಲ್‌ ಸಿನಿಮಾ ಮೂಲಕ ಕನ್ನಡಕ್ಕೆ ಕರೆತಂದಿದ್ದಾರೆ.

 

ನನಗೆ ಕನ್ನಡ ಸಿನಿಮಾದಲ್ಲಿ ನಟಿಸುತ್ತಿರುವುದಕ್ಕೆ ನನಗೆ ಬಹಳ ಖುಷಿಯಾಗಿದೆ. ಸುಮಂತ್‌ ಅವರು ನನಗೆ ಮೊದಲ ಸಿನಿಮಾದಲ್ಲಿಯೇ ಒಳ್ಳೆ ಪಾತ್ರ ನೀಡಿದ್ದಾರೆ. ಈ ಚಿತ್ರದಲ್ಲಿ ಎನ್‌ಆರ್‌ಐ ಪಾತ್ರದಲ್ಲಿ ನಟಿಸುತ್ತಿದ್ದೇನೆ ಎಂದು ಮಾಧ್ಯಮಗಳಿಗೆ ತಿಳಿಸಿದರು ಸಿಮ್ರನ್‌.

ಕಾಜಲ್‌ ಚಿತ್ರ ಒಂದು ಮ್ಯೂಸಿಕಲ್‌ ಲವ್‌ಸ್ಟೋರಿಯಂತೆ. ಸಂಪೂರ್ಣ ಕುಟುಂಬ ಸಮೇತ ನೋಡುವಂತಹ ಕಥೆ ಇದಾಗಿದ್ದು, ಹಳ್ಳಿಯ ಹಿನ್ನೆಲೆಯಲ್ಲಿ ಸಿನಿಮಾವನ್ನು ಕಟ್ಟಿಕೊಡುವ ಪ್ರಯತ್ನ ಮಾಡುತ್ತಿದ್ದಾರೆ ನಿರ್ದೇಶಕ ಸುಮಂತ್‌.

 

 

ಕಾಜಲ್‌ ಸಿನಿಮಾದಲ್ಲಿ ಟೀನೇಜ್‌ಗೆ ಹೇಳಿ ಮಾಡಿಸಿದ ಕಥೆ. ಈ ಚಿತ್ರದಲ್ಲಿ ಹೊಸ ಪೀಳಿಗೆಯ ಲೈಫ್‌ ಸ್ಟೈಲ್‌ ಜತೆ ಸುಂದರ ಪ್ರೇಮಕಥೆ ಕೂಡ ಇದೆ. ಇವುಗಳ ಜತೆ ಈ ಸಿನಿಮಾ ಬಿಳಿ ಕತ್ತೆಯೊಂದು ಪ್ರಮುಖ ಪಾತ್ರ ಮಾಡುತ್ತಿದೆ.

ಕರಿಯ-೨, ಗಣಪ ಚಿತ್ರಗಳ ಮೂಲಕ ಮಾಸ್‌ ಹೀರೋ ಆಗಿದ್ದ ಸಂತೋಷ್‌ ಬಾಲರಾಜ್‌ ಈ ಚಿತ್ರಕ್ಕೆ ನಾಯಕರಾಗಿದ್ದಾರೆ. ಸಂತೋಷ್‌ ಅವರಿಗೆ ಐದನೇ ಸಿನಿಮಾ ಇದಾಗಿದ್ದು, ಇದೇ ಮೊದಲ ಬಾರಿಗೆ ಕಾಲೇಜ್‌ ವಿದ್ಯಾರ್ಥಿಯಾಗಿ ಕಾಣಿಸಿಕೊಂಡಿದ್ದಾರೆ. ನಾಯಕಿಯ ತಾಯಿಯ ಪಾತ್ರದಲ್ಲಿ ಸುಹಾಸಿನಿ ನಟಿಸುವ ಸಾಧ್ಯತೆಗಳಿದೆಯಂತೆ.

 

 

ಟ್ರೇಲರ್‌ ಮೂಲಕ ಗಮನ ಸೆಳೆದಿದ್ದ ಅಸತೋಮ ಸದ್ಗಮಯ ಸಿನಿಮಾದ ಹಾಡುಗಳು ಇತ್ತೀಚೆಗೆ ಚಂದನ್ ಶೆಟ್ಟಿ ಅವರು ಆಡಿಯೋ ಬಿಡುಗಡೆ ಮಾಡಿದರು.

 


ಈ ಚಿತ್ರವನ್ನು ರಾಜೇಶ್‌ ವೇಣೂರು ನಿರ್ದೇಶನದ ಈ ಚಿತ್ರದಲ್ಲಿ ಹಾರರ್‌ ಅಂಶಗಳ ಜತೆ ಮಕ್ಕಳ ಶಿಕ್ಷಣ ವ್ಯವಸ್ಥೆಯಲ್ಲಿ ಆಗುತ್ತಿರುವ ಬದಲಾವಣೆಗಳು ಸಹ ಇದೆಯಂತೆ. ಈ ಚಿತ್ರವನ್ನು ಮಕ್ಕಳು, ಹೆತ್ತವರು ನೋಡಲೇಬೇಕಾಗಿದೆ. ಬುದ್ದಿವಂತಿಕೆ-ಭಾವನೆಗಳು ಎರಡನ್ನು ಚೆನ್ನಾಗಿ ತೋರಿಸಲಾಗಿದೆ. ಪ್ರಸಕ್ತ ತಲೆಮಾರಿನವರು ಇಂಟಲಿಜೆನ್ಸ್‌ಗೆ ಬೆಲೆ ಕೊಡುವಂತೆ, ಕುಟುಂಬದ ಕಡೆ ಗಮನ ಹರಿಸುವುದಿಲ್ಲ. ಆದರೆ ಕುಟುಂಬ ಬಹಳ ಮುಖ್ಯ ಎಂಬುದನ್ನು ನಿರ್ದೇಶಕರು ಈ ಚಿತ್ರದ ಮೂಲಕ ಹೇಳಿದ್ದಾರೆ.

 

 

ಈ ಚಿತ್ರದ ಟ್ರೇಲರ್‌ನ್ನು ಇತ್ತೀಚೆಗೆ ದುಬೈನನಲ್ಲಿ ಬಿಡುಗಡೆ ಮಾಡಲಾಗಿತ್ತು..ದಕ್ಷಿಣ ಕನ್ನಡ ಜಿಲ್ಲೆಯ ಭಾಗಗಳು, ಮಂಡ್ಯ, ಬೆಂಗಳೂರು ಸುತ್ತಮುತ್ತ ಚಿತ್ರೀಕರಣ ನಡೆಸಲಾಗಿದೆ. ದುಬೈನಲ್ಲಿರುವ ದೀಪಕ್‌,ಪ್ರದೀಪ್‌ ಹಾಸ್ಯ ಪಾತ್ರದಲ್ಲಿ ಚೆನ್ನಾಗಿ ನಟಿಸಿದ್ದಾರೆ. ಮುಸ್ಲಿಂ ರಾಷ್ಟ್ರಗಳು, ಯುಎಸ್‌ಎ, ಯುಕೆ, ಸಿಂಗಪೂರ್‌ನಲ್ಲಿ ಏಕ ಕಾಲಕ್ಕೆ ಬಿಡುಗಡೆ ಮಾಡಲಾಗುವುದು. ಕರ್ನಾಟಕದಲ್ಲಿ ಏಪ್ರಿಲ್‌ ಕೊನೆವಾರದಲ್ಲಿ ತೆರೆಕಾಣಿಸಲು ಯೋಜನೆ ಹಾಕಲಾಗಿದೆ.

 

 

ಈ ಚಿತ್ರದಲ್ಲಿ ರಾಧಿಕಾ ಚೇತನ್‌ ನಾಯಕಿಯಾಗಿದ್ದಾರೆ. ಇವರ ಜತೆ ಬಿಗ್‌ಬಾಸ್‌ ಖ್ಯಾತಿಯ ಲಾಸ್ಯ ನಾಗರಾಜ್‌ ವಿದೇಶದ ವ್ಯಾಮೋಹ ಇಟ್ಟುಕೊಂಡಿರುವ ಹುಡುಗಿಯಾಗಿ ನಟಿಸಿದ್ದಾರೆ. ಹಾರರ್‌, ಮೆಸೆಜ್‌ ಎಲ್ಲವೂ ಈ ಚಿತ್ರದಲ್ಲಿದೆ. ಇನ್ನು ಬಿಡುಗಡೆಯಾಗಿರುವ ಹಾಡುಗಳು ಎಲ್ಲರಿಗೂ ಇಷ್ಟವಾಗುತ್ತಿವೆ.

 
ಕಿಚ್ಚ ಸುದೀಪ್‌ ಅವರ ಸಿನಿಮಾ ಕೆರಿಯರ್‌ಗೆ ದೊಡ್ಡ ಬ್ರೇಕ್‌ ನೀಡಿದ್ದು 'ಹುಚ್ಚ' ಚಿತ್ರ. ಈಗ 'ಹುಚ್ಚ-2' ಚಿತ್ರ ಇದೇ 6 ರಂದು ಬಿಡುಗಡೆಯಾಗುತ್ತಿದೆ.
ಡಾರ್ಲಿಂಗ್‌ ಸಿನಿಮಾ ಮೂಲಕ ಫೇಮಸ್‌ ಆಗಿದ್ದ ಕೃಷ್ಣ 'ಹುಚ್ಚ-2'ನಲ್ಲಿ ಹುಚ್ಚನಾಗಿದ್ದಾರೆ. ಹಿಂದೆ ಸುದೀಪ್‌ ಅವರ 'ಹುಚ್ಚ' ಸಿನಿಮಾವನ್ನು ನಿರ್ದೇಶನ ಮಾಡಿದ್ದ ಓಂಪ್ರಕಾಶ್‌ ರಾವ್‌ 'ಹುಚ್ಚ-2' ಚಿತ್ರವನ್ನು ಡೈರೆಕ್ಟ್ ಮಾಡಿದ್ದಾರೆ.
ಇದೊಂದು ಪಕ್ಕಾ ಅಕ್ಷ್ಯನ್ ಥ್ರಿಲ್ಲರ್‌ ಚಿತ್ರವಾಗಿದ್ದು, ಕೃಷ್ಣ ಅವರ ಡಿಫ್ರೆಂಟ್‌ ಲುಕ್‌ ಎಲ್ಲರಿಗೂ ಇಷ್ಟವಾಗಿದೆ.
ಡಾರ್ಲಿಂಗ್‌ ಕೃಷ್ಣನ ಜೋಡಿಯಾಗಿ ಶ್ರಾವ್ಯ ರಾವ್‌ ಅಭಿನಯಿಸಿದ್ದು, ವಿಶೇಷ ಪಾತ್ರದಲ್ಲಿ ಸಾಯಿ ಕುಮಾರ್‌ ಕಾಣಿಸಿಕೊಂಡಿದ್ದಾರೆ. ಇನ್ನುಳಿದಂತೆ ಮಾಳವಿಕಾ ಅವಿನಾಶ್‌ ನಾಯಕನ ತಾಯಿ ಪಾತ್ರದಲ್ಲಿ ಮಿಂಚಿದ್ದಾರೆ. ಅವಿನಾಶ್‌, ಓಂ ಪ್ರಕಾಶ್‌ ರಾವ್‌ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ.
ರೇಣುಕಾ ಮೂವೀಸ್‌ ಮೇಕರ್ಸ್‌ ಬ್ಯಾನರ್‌ನಡಿ ಉಮೇಶ್‌ ರೆಡ್ಡಿ ಎಂಬುವವರು ಈ ಚಿತ್ರವನ್ನ ನಿರ್ಮಾಣ ಮಾಡಿದ್ದಾರೆ. ಈ ಸಿನಿಮಾದ ಹಾಡುಗಳಿಗೆ ಅನೂಪ್‌ ಸೀಳಿನ್‌ ಸಂಗೀತ ಸಂಯೋಜಿಸಿದ್ದಾರೆ.
#Huccha2 #Cineloka
ಸ್ಯಾಂಡಲ್‌ವುಡ್‌ನ ಹಿರಿಯ ನಿರ್ದೇಶಕ ಎನ್‌ ಓಂಪ್ರಕಾಶ್‌ ರಾವ್‌ 50ರ ಮೈಲಿಗಲ್ಲಿನಲ್ಲಿದ್ದು, ತಾವು ನಿರ್ದೇಶನ ಮಾಡಲಿರುವ 50 ನೇ ಚಿತ್ರದಲ್ಲಿ ಹ್ಯಾಟ್ರಿಕ್ ಹೀರೊ ಡಾ.ಶಿವರಾಜ್‌ಕುಮಾರ್‌ ನಟಿಸುತ್ತಾರೆ ಎಂದು ಹೇಳಿದ್ದಾರೆ.
.
ಅಲ್ಲದೆ ಈ ಚಿತ್ರಕ್ಕೆ 'ತ್ರಿವಿಕ್ರಮ' ಎಂದು ಟೈಟಲ್‌ ಸಹ ಇಡಲಾಗಿದೆಯಂತೆ. ಶಿವರಾಜ್‌ಕುಮಾರ್‌ ಅವರ 50 ನೇ ಸಿನಿಮಾವನ್ನು ಓಂ ಪ್ರಕಾಶ್‌ ರಾವ್‌ ನಿರ್ದೇಶನ ಮಾಡಿದ್ದರು. ಈಗ ಓಂಪ್ರಕಾಶ್‌ ಅವರ 50 ನೇ ಸಿನಿಮಾಗೆ ಶಿವಣ್ಣ ನಾಯಕರಾಗಿ ನಟಿಸುವುದು ಪಕ್ಕಾ ಆಗಿದೆ. ಅಲ್ಲದೆ ಈ ಚಿತ್ರದಲ್ಲಿ ಬಾಲಿವುಡ್‌ನ ಸಂಜಯ್‌ ದತ್‌ ವಿಲನ್‌ ಆಗಿ ನಟಿಸುತ್ತಾರಂತೆ.
.
  
'ತ್ರಿವಿಕ್ರಮ' ಐದು ಭಾಷೆಗಳಲ್ಲಿ ತಯಾರಾಗುತ್ತಿದ್ದು, ಕನ್ನಡದಲ್ಲಿ ಶಿವಣ್ಣ ಹಾಗೂ ಇತರ ಭಾಷೆಗಳಲ್ಲಿ ಬೇರೆ ನಾಯಕರು ಇರಲಿದ್ದಾರೆ. ಆದರೆ, ಐದು ಭಾಷೆಗಳಲ್ಲೂ ಸಂಜಯ್‌ ದತ್‌ ಅವರೇ ವಿಲನ್‌ ಆಗಿ ನಟಿಸಲಿದ್ದಾರೆ ಎಂದು ಓಂ ಪ್ರಕಾಶ್ ರಾವ್ ಹೇಳಿಕೊಂಡಿದ್ದಾರೆ.
.
  
#KarunadaChakravarthy #DrShivanna #TriVikrama #Cineloka

ಹಿಂದಿಯ ಸೂಪರ್‌ ಹಿಟ್ ಚಿತ್ರ ಕ್ವೀನ್‌ನ ಕನ್ನಡ ಅವತರಿಣಿಕೆ ಬಟರ್‌ ಫ್ಲೈ ಚಿತ್ರದ ಮತ್ತೊಂದು ಶೆಡ್ಯೂಲ್‌ ಏಪ್ರಿಲ್‌ 3 ರಿಂದ ಮೈಸೂರಿನಲ್ಲಿ ಆರಂಭವಾಗಲಿದೆ.

 

ಹಿಂದಿಯಲ್ಲಿ ಕಂಗನಾ ಮಾಡಿದ್ದಪಾತ್ರವನ್ನು ಪಾರುಲ್‌ ಯಾದವ್‌ ಮಾಡುತ್ತಿದ್ದು, ಈಗಾಗಲೇ ಪ್ಯಾರೀಸ್‌ ಸೇರಿದಂತೆ ಹೊರ ದೇಶಗಳಲ್ಲಿ ಚಿತ್ರೀಕರಣ ಮುಗಿಸಿ ಬಂದಿದೆ ಚಿತ್ರತಂಡ. ಕರ್ನಾಟಕದ ಗೋಕಣಧದಲ್ಲಿಯೂ ಶೂಟಿಂಗ್‌ ಕಂಪ್ಲೀಟ್‌ ಮಾಡಿದ್ದು, ಮುಂದಿನ ಶೆಡ್ಯೂಲ್‌ ಮೈಸೂರಿನಲ್ಲಿ ಎನ್ನಲಾಗುತ್ತಿದೆ.

 

ಈ ಚಿತ್ರದಲ್ಲಿ ಶಶಿ ವರುಣ್‌ ನಾಯಕರಾಗಿ ನಟಿಸುತ್ತಿದ್ದಾರೆ. ರಮೇಶ್‌ ಅರವಿಂದ್‌ ಆ್ಯಕ್ಷನ್‌ ಕಟ್‌ ಹೇಳುತ್ತಿದ್ದು, ಇದನ್ನು ಯಥಾವತ್‌ ರಿಮೇಕ್‌ ಮಾಡದೇ, ಆ ಚಿತ್ರದ ಥೀಮ್‌ ಮಾತ್ರ ತೆಗೆದುಕೊಂಡು ನಮ್ಮ ಭಾವನೆಗಳಿಗೆ ತಕ್ಕ ದೃಶ್ಯಗಳನ್ನು ಕಟ್ಟುತ್ತಿದ್ದಾರಂತೆ.

 

ನಿರ್ಮಾಪಕರಾದ ಮನು ಕುಮಾರನ್, ನಿರ್ದೇಶಕರಾದ ರಮೇಶ್ ಅರವಿಂದ್ ಮತ್ತು ನಾಯಕಿ ಪರುಲ್ ಯಾದವ್ ಇತ್ತೀಚೆಗೆ ಚಾಮುಂಡಿ ಬೆಟ್ಟಕ್ಕೆ ತೆರಳಿ ಚಾಮುಂಡೇಶ್ವರಿ ಮಾತೆಯ ಆಶೀರ್ವಾದವನ್ನು ಪಡೆದರು.

ವಿವಿಧ್ ಫಿಲಂಸ್ ಲಾಂಛನದಡಿಯಲ್ಲಿ ಶ್ರೀಯುತ ಪ್ರಶಾಂತ್‍ರೆಡ್ಡಿ, ದೇವರಾಜ್ ಚಿಕ್ಕಣ್ಣ ನಿರ್ಮಿಸಿರುವ ಸೈಬರ್ ಕ್ರೈಂ ಥ್ರಿಲ್ಲರ್ "ಗುಳ್ಟು" ಚಿತ್ರವು ಇದೇ 30 ರಂದು ರಾಜ್ಯಾದ್ಯಂತ ತೆರೆಕಾಣಲಿದೆ.
 
ಟೀಸರ್ಸ್ ಮತ್ತು ಟ್ರೈಲರ್ ನಿಂದ ಸಿನಿರಸಿಕರಲ್ಲಿ ಕುತೂಹಲ ಮೂಡಿಸಿರುವ ಈ ಚಿತ್ರಕ್ಕೆ ಯಾವ ರೀತಿ ರೆಸ್ಪಾನ್ಸ್ ಸಿಗಲಿದೆ ನೋಡಬೇಕು.
ಚಿತ್ರಕ್ಕೆ ಶಾಂತಿಸಾಗರ್ ಛಾಯಾಗ್ರಹಣ, ಜಯಂತ್‍ಕಾಯ್ಕಿಣಿ, ಕಿರಣ್‍ಕಾವೇರಪ್ಪ, ಅನುಪ್‍ರಾಮಸ್ವಾಮಿ ಸಾಹಿತ್ಯ, ಅಮಿತ್‍ಆನಂದ್ ಸಂಗೀತ, ವರದರಾಜ್ ಕಲೆ, ಭರತ್ ಸಂಕಲನ, ಅಜರ್ ನೃತ್ಯ, ವಿಕ್ರಮ್ ಸಾಹಸವಿದ್ದು, ಚಿತ್ರದ ಸಂಭಾಷಣೆ ಹಾಗೂ ನಿರ್ದೇಶನದೊಂದಿಗೆ ಈ ಚಿತ್ರದ ಮೂಲಕ ನಿರ್ದೇಶಕರಾಗಿ ಜನಾರ್ಧನ್ ಪರಿಚಯವಾಗಲಿದ್ದಾರೆ.
 
ತಾರಾಗಣ ನವೀನ್‍ಶಂಕರ್, ಸೋನುಗೌಡ, ಅವಿನಾಶ್, ರಂಗಾಯಣರಘು, ರಾಮ್‍ಧನುಷ್, ಅಪೂರ್ವ ಮುಂತಾದವರಿದ್ದಾರೆ.
 
#Gultoo #Cineloka

ನಿರ್ದೇಶಕ ದಯಾಳ್‌ ಒಟ್ಟೊಟ್ಟಿಗೆ 'ಆ ಕರಾಳ ರಾತ್ರಿ' ಮತ್ತು 'ಪುಟ 109' ಎಂಬ ಎರಡು ಚಿತ್ರಗಳ ಮುಹೂರ್ತವನ್ನು ಒಟ್ಟಿಗೆ ಮಾಡಿದ್ದರು. ಈಗ ಎರಡೂ ಚಿತ್ರಗಳ ಚಿತ್ರೀಕರಣವನ್ನು ಅವರು ಮುಗಿಸಿದ್ದು, ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸದಲ್ಲಿ ತೊಡಗಿಸಿಕೊಂಡಿದ್ದಾರೆ.

 


ಜಯರಾಮ್‌ ಕಾರ್ತಿಕ್‌, ಅನುಪಮಾ ಗೌಡ, ಜಯ ಶ್ರೀನಿವಾಸನ್‌ ಸೇರಿದಂತೆ ಸಾಕಷ್ಟು ಮಂದಿ ಕಲಾವಿದರನ್ನು ಇಟ್ಟುಕೊಂಡು 'ಆ ಕರಾಳ ರಾತ್ರಿ' ಸಿನಿಮಾವನ್ನು ಮಲೆನಾಡಲ್ಲಿ ಒಂದೇ ಶೆಡ್ಯೂಲ್‌ನಲ್ಲಿ ಶೂಟಿಂಗ್‌ ಮಾಡಿ ಮುಗಿಸಿದ್ದರು. ಇದಾದ ನಂತರ ಅಂದರೆ ಯುಗಾದಿ ಹಬ್ಬದ ದಿನ 'ಪುಟ 109'ಕ್ಕೆ ಪೂಜೆ ಮಾಡಿ ಅಂದೇ ಆ ಚಿತ್ರದ ಶೂಟಿಂಗ್‌ ಆರಂಭಿಸಿದ್ದರು. ಈಗ ಅದರ ಶೂಟಿಂಗ್‌ ಸಹ ಕಂಪ್ಲೀಟ್‌ ಆಗಿದೆ.

 


'ಪುಟ 109'ರಲ್ಲಿ ಜೆಕೆ ಮತ್ತು ನವೀನ್‌ ಕೃಷ್ಣ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರಕ್ಕೆ ನವೀನ್‌ ಕೃಷ್ಣ ಬರಹಗಾರರಾಗಿ ಕೆಲಸ ಮಾಡಿದ್ದಾರೆ. ಒಟ್ಟಿನಲ್ಲಿ ದಯಾಳ್‌ ಅಂದುಕೊಂಡಂತೆ ಎರಡು ಚಿತ್ರಗಳ ಶೂಟಿಂಗ್‌ ಕಂಪ್ಲೀಟ್‌ ಪೋಸ್ಟ್‌ ಪ್ರೊಡಕ್ಷನ್‌ನಲ್ಲಿ ಬ್ಯುಸಿಯಾಗಿದ್ದಾರೆ. ಸದ್ಯದಲ್ಲೇ ಈ ಎರಡೂ ಚಿತ್ರಗಳನ್ನು ತೆರೆ ಮೇಲೆ ಕಾಣಬಹುದು.

 

 


ಸೀನಿ ಆ್ಯಕ್ಷನ್‌ ಕಟ್‌ ಹೇಳಿರುವ '6ನೇ ಮೈಲಿ' ಚಿತ್ರವನ್ನು ನಿರ್ಮಾಣ ಮಾಡಿರುವುದು ದಕ್ಷಿಣ ಭಾರತದ ಖ್ಯಾತ ನ್ಯೂರೋ ಸರ್ಜನ್‌ ಡಾ. ಶೈಲೇಶ್‌ ಕುಮಾರ್‌.

 

 

ಹೌದು ಹರಿಹರ ಮೂಲದವರಾದ ಶೈಲೇಶ್‌ ಅವರಿಗೆ ಸಿನಿಮಾ ಮೇಲೆ ಬಹಳ ಪ್ರೀತಿ ಮತ್ತು ಆಸಕ್ತಿ. ಒಳ್ಳೆ ಸಿನಿಮಾ ಮಾಡಬೇಕು ಎಂದು ಉತ್ತಮ ಕಥೆಗಾಗಿ ಹುಡುಕುತ್ತಿದ್ದಾಗೆ ಸೀನಿಯವರು ಸಿಕ್ಕಿದ್ದಾರೆ. ಸೀನಿ ಹೇಳಿದ ಕಥೆ ಕೇಳಿ ಇಂಪ್ರೆಸ್‌ ಆದ ಶೈಲೇಶ್‌ಕುಮಾರ್‌ '6ನೇ ಮೈಲಿ' ಚಿತ್ರಕ್ಕೆ ಬಂಡವಾಳ ಹಾಕುವುದಾಗಿ ಹೇಳಿದ್ದಾರೆ. ಆಗ ತಯಾರಾಗಿದ್ದೇ ಈ ಚಿತ್ರ.

 

 

ಸಸ್ಪೆನ್ಸ್‌ ಥ್ರಿಲ್ಲರ್‌ ಸಬ್ಜೆಕ್ಟ್‌ ಇರುವ ಈ ಚಿತ್ರದಲ್ಲಿ ಸಂಚಾರಿ ವಿಜಯ್‌, ಆರ್‌ ಜೆ ನೇತ್ರಾ, ಸುದೇಶ್‌ ಸೇರಿದಂತೆ ಸಾಕಷ್ಟು ಮಂದಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ಒಂದೇ ಒಂದು ಹಾಡಿದ್ದು ಅದನ್ನು ವಸಿಷ್ಠ ಸಿಂಹ ಹಾಡಿದ್ದಾರೆ. ಈ ಹಾಡಿಗೆ ಡೆತ್‌ ಮೆಟಲ್‌ ಮ್ಯೂಸಿಕ್‌ ಬಳಸಲಾಗಿದೆ. ಈ ಹಾಡನ್ನು ಸುದೀಪ್‌ ಮೆಚ್ಚಿಕೊಂಡು ಟ್ವೀಟ್ ಮಾಡಿದ್ದರು.

 

'ಮಡಮಕ್ಕಿ' ಸಿನಿಮಾ ಮೂಲಕ ಭರವಸೆ ಮೂಡಿಸಿದ್ದ ನಟ ತನುಷ್‌ ಈಗ 'ನಂಜುಂಡಿ ಕಲ್ಯಾಣ'ದ ಮೂಲಕ ಸ್ಯಾಂಡಲ್‌ವುಡ್‌ಗೆ ವಾಪಾಸ್‌ ಆಗಿದ್ದಾರೆ.

 

1989ರಲ್ಲಿ ತೆರೆ ಕಂಡು ದೊಡ್ಡ ಮಟ್ಟದ ಯಶಸ್ಸು ಕಂಡಿದ 'ನಂಜುಂಡಿ ಕಲ್ಯಾಣ' ಸಿನಿಮಾದ ಶೀರ್ಷಿಕೆಯು 28 ವರ್ಷಗಳ ಬಳಿಕ ಬಳಸಲಾಗುತ್ತಿದೆ.

 

 

ಈಗಿನ ನಂಜುಂಡಿ ಕಲ್ಯಾಣವನ್ನು ರಂಗಕರ್ಮಿ ನಟ ರಾಜೇಂದ್ರ ಕಾರಂತ್‌ ನಿರ್ದೇಶನ ಮಾಡುತ್ತಿದ್ದಾರೆ. ಇದೊಂದು ಸಂಪೂರ್ಣ ಹಾಸ್ಯಮಯ ಚಿತ್ರವಾಗಿದ್ದು, ಕ್ಲೈಮಾಕ್ಸ್‌ ಭಾಗದ 20 ನಿಮಿಷ ಪ್ರೇಕ್ಷಕರನ್ನು ಕಾಡಿ ಅವರಿಂದ ಕಣ್ಣುಗಳನ್ನು ಒದ್ದೆಯಾಗುವಂತೆ ಮಾಡುತ್ತದಂತೆ. ಹಠಮಾರಿ ತಾಯಿಯ ಮನಸ್ಸನ್ನು ಪರಿವರ್ತಿಸಿ ಪ್ರೀತಿಸಿದ ಹುಡುಗಿಯನ್ನು ಹೇಗೆ ಮದುವೆಯಾಗುತ್ತಾನೆ ಎಂಬುದು ಸಿನಿಮಾದ ಸ್ಟೋರಿ.

 

 

ತನುಷ್‌ ನಾಯಕನಾಗಿ ಕಾಣಿಸಿಕೊಂಡಿದ್ದರೆ ಶ್ರಾವ್ಯ ನಾಯಕಿ. ಮಂಜುನಾಥ ಹೆಗಡೆ, ಪದ್ಮಜಾ ರಾವ್‌ ಮತ್ತು ಕುರಿ ಪ್ರತಾಪ್‌ ತಾರಾಗಣದಲ್ಲಿ ಇದ್ದಾರೆ. ಕಾಮಿಡಿ ದೃಶ್ಯಗಳನ್ನು ವಿಭಿನ್ನವಾಗಿ ಹೇಳುವ ಪ್ರಯತ್ನ ಮಾಡಿದ್ದಾರಂತೆ ನಿರ್ದೇಶಕರು . ಮುಂದಿನ ವಾರ(ಏಪ್ರಿಲ್ 6) ಈ ಚಿತ್ರ ಬಿಡುಗಡೆಯಾಗಲಿದ್ದು, ಪ್ರೇಕ್ಷಕರಿಗೆ ರಸದೌತಣ ನೀಡುವುದು ಖಂಡಿತಾ ಎನ್ನುತ್ತದೆ ಚಿತ್ರತಂಡ.

ದುನಿಯಾ ಚಿತ್ರದಿಂದ ವಿಜಯ್‌ ನಟಿಸುವ ಸಿನಿಮಾಗಳೆಂದರೆ ಬಹುತೇಕ ಬರೀ ಆ್ಯಕ್ಷನ್‌ ಸಿನಿಮಾಗಳು, ಹೊಡೆದಾಟ ಬಡಿದಾಟಗಳೇ ಇರುತ್ತವೆ ಎನ್ನುತ್ತಾರೆ, ಆದರೆ 'ಜಾನಿ ಜಾನಿ ಎಸ್‌ ಪಾಪಾ' ಸಿನಿಮಾದಲ್ಲಿ ವಿಜಯ್‌ ಅವರು ಸ್ಟೈಲಿಷ್‌ ಕಾಸ್ಟ್ಯೂಮ್‌ ಹಾಕಿಕೊಂಡು ಇಡೀ ಸಿನಿಮಾ ಮಿಂಚಿದ್ದಾರೆ.

 

DUXqdCmVQAAy9jP

ಹೌದು ಜಾನಿ ಜಾನಿಯಲ್ಲಿ ಒಳ್ಳೊಳ್ಳೆ ಬಟ್ಟೆ, ಗಾಗಲ್ಸ್‌ ಹಾಕಿಕೊಂಡು ಮಿಂಚಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಹಿಂದೆ 'ಜಾನಿ ಮೇರಾ ನಾಮ್‌' ಚಿತ್ರದಲ್ಲಿಯೂ ವಿಜಿ ಸ್ಟೈಲಿಷ್‌ ಆಗಿ ಕಾಣಿಸಿಕೊಂಡಿದ್ದರು. ಈಗ ಇದು ಅದರ ಮುಂದಿನ ಭಾಗವಾಗಿದ್ದು, ಇದರಲ್ಲಿಯೂ ಅವರು ಅದಕ್ಕಿಂತ ಸ್ಟೈಲಿಷ್‌ ಆಗಿದ್ದಾರೆ.

 

 

ಇದೇ 30ಕ್ಕೆ ಚಿತ್ರ ಬಿಡುಗಡೆಯಾಗಲಿದ್ದು, ಈಗಾಗಲೇ ಬಿಡುಗಡೆಯಾಗಿರುವ ಟೀಸರ್‌ ಮತ್ತು ಪೋಸ್ಟರ್‌ಗಳು ಜನರಿಗೆ ಇಷ್ಟವಾಗಿದೆ.
ಚಿತ್ರದಲ್ಲಿ ಹೊಸ ಪದ್ಮಾವತಿಯಾಗಿ ರಚಿತಾ ರಾಮ್ ಕಾಣಿಸಿಕೊಂಡಿದ್ದಾರೆ. ಪ್ರೀತಂ ಗುಬ್ಬಿ ಇದರ ನಿರ್ದೇಶಕರು.

ನಟ, ನಿರ್ದೇಶಕ ಎಸ್ ಮೋಹನ್ ಇದ್ದ ಕಡೆ ನಗು, ಸಂಭ್ರಮ ಇರಲೇಬೇಕು. ಅದನ್ನು ಮೋಹನ್ "ಹೆಲೋ ಮಾಮಾ"...ಥೂ ಹಂಗ್ ಕರಿಬೇಡ್ರೊ ಚಿತ್ರದಲ್ಲಿ ಮುಂದುವರೆಸಿಕೊಂಡು ಬಂದಿದ್ದಾರೆ.

 

ಬಿ ಕೆ ಚಂದ್ರಶೇಖರ್ ಅವರ ಪ್ರಗತಿ ಸಿನಿಮಾಸ್ ಅಡಿಯಲ್ಲಿ ತಯಾರಾಗಿರುವ ಈ ಚಿತ್ರವನ್ನ ಇತ್ತೀಚಿಗೆ ಸೆನ್ಸಾರ್ ಮಂಡಳಿ ವೀಕ್ಷಿಸಿ ಯು/ಎ ಅರ್ಹತಾ ಪತ್ರವನ್ನು ನೀಡಿದೆ. ರಾಜಣ್ಣ ಹಾಗೂ ಕೃಷ್ಣ ಪ್ರಸಾದ್ ಈ ಚಿತ್ರದ ಜಂಟಿ ನಿರ್ಮಾಪಕರು.

 

 ಅನಿವಾರ್ಯವಾಗಿ ಹಾಗೂ ಕೆಲವೊಮ್ಮೆ ಅವಶ್ಯಕತೆ ಇಂದ ಸಮಾಜದಲ್ಲಿ 'ಮಾಮಾ' ಪದವನ್ನು ಬಳಕೆ ಮಾಡಲಾಗುತ್ತದೆ. ನಿರ್ದೇಶಕ ಮೋಹನ್ ಅವರು ಹಲವಾರು ಬಗೆಗಳಲ್ಲಿ ಆ ಪದವನ್ನು ಉಪಯೋಗ ಮಾಡಿಕೊಂಡಿದ್ದಾರೆ. ಮೋಹನ್, ಸಂಪ್ರತ, ಅರವಿಂದ್ ರಾವ್, ಭೂಮಿಕಾ, ಸೌಜನ್ಯ ಮುಖ್ಯ ತಾರಾಗಣದಲ್ಲಿ ಇದ್ದಾರೆ.

 

ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ, ಸಂಭಾಷಣೆ ಹಾಗೂ ನಿರ್ದೇಶನ ಎಸ್ ಮೋಹನ್ ಮಾಡಿದ್ದರೆ, ಡಿ ಪ್ರಸಾದ್ ಬಾಬು ಛಾಯಾಗ್ರಹಣ, ಧರಂ ದೀಪ್ ಸಂಗೀತ ಒದಗಿಸಿದ್ದಾರೆ.

ಚಾಲೆಂಜಿಂಗ್ ಸ್ಟಾರ್ ದರ್ಶನ್‌ ಅಭಿನಯದ 51 ನೇ ಚಿತ್ರ 'ಯಜಮಾನ'ದ ಎರಡನೇ ಹಂತದ ಶೂಟಿಂಗ್‌ ಸೋಮವಾರದಿಂದ (ಮಾರ್ಚ್ 25) ಚಿಕ್ಕಮಗಳೂರಿನಲ್ಲಿ ಆರಂಭವಾಗಿದೆ. ಪಿ ಕುಮಾರ್‌ ಆ್ಯಕ್ಷನ್‌ ಕಟ್‌ ಹೇಳುತ್ತಿರುವ ಈ ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ, ತಾನ್ಯ ಹೋಪ್‌ ನಾಯಕಿಯರಾಗಿ ನಟಿಸುತ್ತಿದ್ದಾರೆ.
 
ಮೈಸೂರಿನಲ್ಲಿ ಮೊದಲ ಶೆಡ್ಯೂಲ್‌ನ್ನು ಚಿತ್ರತಂಡ ಇತ್ತೀಚೆಗೆ ಮುಗಿಸಿದೆ. ಈಗ ಎರಡನೇ ಶೆಡ್ಯೂಲ್‌ಗಾಗಿ ಚಿಕ್ಕಮಗಳೂರಿನಲ್ಲಿ ಬೀಡು ಬಿಟ್ಟಿದ್ದು, ಇಲ್ಲಿ ದರ್ಶನ್‌, ರಶ್ಮಿಕಾ, ದೇವರಾಜ್ ಮತ್ತು ಇನ್ನೂ ಕೆಲವು ಪ್ರಮುಖ ಕಲಾವಿದರು ಪಾಲ್ಗೊಳ್ಳಲಿದ್ದಾರೆ.
 
ಧನಂಜಯ, ರವಿಶಂಕರ್‌, ಅನೂಪ್‌ ಸಿಂಗ್‌ ಠಾಕೂರ್‌ ದರ್ಶನ್‌ಗೆ ಎದುರಾಗಿ ನಟಿಸುತ್ತಿದ್ದಾರೆ. ಹರಿಕೃಷ್ಣ ಈ ಸಿನಿಮಾಗೆ ಸಂಗೀತ ನೀಡುತ್ತಿದ್ದಾರೆ,ಬಹದ್ದೂರ್ ಚೇತನ್ ಡೈಲಾಗ್ ಬರೆದಿದ್ದಾರೆ.
 
 
  
ವಿಶೇಷ ಎಂದರೆ ಸುಮಾರು 90 ದಿನಗಳ ಕಾಲ್‌ಶೀಟ್‌ನ್ನು ದರ್ಶನ್‌ ಈ ಚಿತ್ರಕ್ಕಾಗಿ ನೀಡಿದ್ದಾರಂತೆ. ಬಿ ಸುರೇಶ್ ಮತ್ತು ಶೈಲಜಾ ನಾಗ್‌ ಈ ಚಿತ್ರಕ್ಕೆ ಬಂಡವಾಳ ಹೂಡುತ್ತಿದ್ದಾರೆ.
 
 
#Yajamana #ChallengingStarDarshan #Cineloka
ಸ್ಯಾಂಡಲ್‌ವುಡ್‌ನಲ್ಲಿ ಹೊಸ ಹೊಸ ನಿರ್ದೇಶಕರು ಹೊಸ ರೀತಿಯಲ್ಲಿ ಸಿನಿಮಾಗಳನ್ನು ಮಾಡುತ್ತಿರುತ್ತಾರೆ. ಆ ಸಾಲಿಗೆ 'ಇದೀಗ ಬಂದ ಸುದ್ದಿ' ಸಿನಿಮಾ ಕೂಡಾ ಸೇರುತ್ತದೆ. ತನ್ನ ವಿಶಿಷ್ಟ ಟೈಟಲ್‌ನಿಂದಲೇ ಗಮನ ಸೆಳೆಯುತ್ತಿರುವ ಈ ಚಿತ್ರ ಸಂಪೂರ್ಣ ಹೊಸಬರ ಪ್ರಯತ್ನ.
 
ಎಸ್‌ ಆರ್‌ ಪಾಟೀಲ್‌ ಎಂಬ ಉತ್ತರ ಕರ್ನಾಟಕದ ಯುವ ಪ್ರತಿಭೆ ನಿರ್ದೇಶನ ಮಾಡಿರುವ ಈ ಸಿನಿಮಾದಲ್ಲಿ ಸಂದೇಶ ಕೂಡಾ ಇದೆಯಂತೆ. ಈಗಾಗಲೇ ಟ್ರೇಲರ್‌ ಮತ್ತು ಪೋಸ್ಟರ್‌ಗಳು ಆನ್‌ಲೈನಲ್ಲಿ ಸುದ್ದಿ ಮಾಡಿದ್ದು, ಸಿನಿಮಾದಲ್ಲಿ ಗಂಭೀರ ವಿಚಾರದ ಬಗ್ಗೆ ಹೇಳಿದ್ದಾರೆ ಎನ್ನಲಾಗಿದೆ.
 
 
ಚಿತ್ರದಲ್ಲಿ ಕನ್ನಡಿಗ ಬಲರಾಮ, ಮಾಧವ್‌, ಶಿವಕುಮಾರ್‌ ಲೋಕೇಶ್ವರಿ ನಾಗರಾಜ, ಸಂಗೀತ ವಿಜಯ, ಬೇಬಿ ಚೈತನ್ಯ ಹಾಗೂ ಮಾಸ್ಟರ್‌ ವೃಶಾಂಕ್‌ ಹೀಗೆ ಇನ್ನೂ ಅನೇಕರು ನಟಿಸಿದ್ದಾರೆ. ಇದೇ 30ಕ್ಕೆ ಈ ಚಿತ್ರ ಬಿಡುಗಡೆಯಾಗಲಿದೆ.
 
 
#IdeegaBandaSuddi #Cineloka
 
 ಪ್ರೀತಮ್ ಗುಬ್ಬಿ ನಿರ್ದೇಶನದಲ್ಲಿ ಮೂಡಿ ಬಂದಿರುವ 'ಜಾನಿ ಜಾನಿ ಎಸ್ ಪಾಪಾ' ಸಿನಿಮಾದಲ್ಲಿ ದುನಿಯಾ ವಿಜಯ್ ರಾಮನಾಗಿದ್ದಾರೆ, ರಂಗಾಯಣ ರಘು ಹನುಮಂತನ ಅವತಾರವೆತ್ತಿದ್ದಾರೆ.
 
ಇದೇ 30ಕ್ಕೆ ಚಿತ್ರ ತೆರೆಗೆ ಬರುತ್ತಿದ್ದು, ಈ ಸಿನಿಮಾದಲ್ಲಿ ವಿಜಯ್‌ ಸಿಕ್ಸ್ ಪ್ಯಾಕ್ ರಾಮನಾಗಿದ್ದಾರೆ. ಚಿತ್ರದಲ್ಲಿ ಬರುವ ಒಂದು ಸಣ್ಣ ದೃಶ್ಯದಲ್ಲಿ ವಿಜಯ್‌ ರಾಮನ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ರಾಮನವಮಿ ಹಬ್ಬದ ದಿನ ಈ ರಾಮನ ಅವತಾರದ ಟೀಸರ್‌ನ್ನು ಚಿತ್ರತಂಡ ಬಿಡುಗಡೆ ಮಾಡಿದ್ದು,ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ.
 
 WhatsApp Image 2018 03 25 at 3.04.09 PM
ಈ ಹಿಂದೆ ಪ್ರೀತಮ್‌ ಗುಬ್ಬಿ ಮತ್ತು ದುನಿಯಾ ವಿಜಯ್‌ ಜತೆಯಾಗಿ 'ಜಾನಿ ಮೇರಾ ನಾಮ,ಪ್ರೀತಿ ಮೇರಾ ಕಾಮ್' ಮಾಡಿದ್ದರು. ಈಗ ಅದರ ಮುಂದುವರೆದ ಭಾಗವಾಗಿ 'ಜಾನಿ ಜಾನಿ ಎಸ್ ಪಾಪ' ಸಿನಿಮಾ ಮಾಡಿದ್ದಾರೆ . ಕಳೆದ ಬಾರಿಯಂತೆ ಈ ಬಾರಿಯೂ ಕಾಮಿಡಿ ಇಟ್ಟುಕೊಂಡು ಜನರಿಗೆ ಫುಲ್ ಎಂಟರ್ಟೈನ್ಮೆಂಟ್ ನೀಡಲು ಬರುತ್ತಿದ್ದಾರಂತೆ.
 
ಈ ಸಿನಿಮಾದಲ್ಲಿ ರಾಮನ ಅವತಾರ ಯಾಕೆ ಬರುತ್ತದೆ ಎಂಬುದನ್ನು ಸಿನಿಮಾ ನೋಡಿಯೇ ತಿಳಿದುಕೊಳ್ಳಬೇಕು ಅಂತಾರೆ ನಿರ್ದೇಶಕ ಪ್ರೀತಂ ಗುಬ್ಬಿ.
'ಜಾನಿ....'ಯನ್ನು ದುನಿಯಾ ವಿಜಯ್‌ ಅವರು ತಮ್ಮ ಹೋಮ್‌ ಬ್ಯಾನರ್‌ ಆದ ದುನಿಯಾ ಟಾಕೀಸ್‌ ಬ್ಯಾನರ್‌ನಡಿ ನಿರ್ಮಾಣ ಮಾಡಿದ್ದಾರೆ.
#JohnnyJohnnyYesPapa #Cineloka #DuniyaVijay
 
ರಾಜೇಶ್ ವೇಣೂರು ನಿರ್ದೇಶನದಲ್ಲಿ ಅಶ್ವಿನ್ ಪಿರೇರಾರವರು ನಿರ್ಮಿಸುತ್ತಿರುವ “ಅಸತೋಮ ಸದ್ಗಮಯ” ಚಿತ್ರದ ಟ್ರೇಲರ್ ಮಾರ್ಚ್ 23ರಂದು, ದುಬೈನ ಹೋಟೇಲ್ ಫಾರ್ಚೂನ್ ಪ್ಲಾಜಾದಲ್ಲಿ ಬಿಡುಗಡೆಗೊಂಡಿತು. ಫಾರ್ಚೂನ್ ಗ್ರೂಪ್ ಆಫ್ ಹೋಟೇಲ್ಸ್‍ನ ಮಾಲಕರಾದ ಪ್ರವೀಣ್ ಶೆಟ್ಟಿಯವರು ಈ ಟ್ರೇಲರನ್ನು ಬಿಡುಗಡೆಗೊಳಿಸಿದರು. ನಂತರ ಮಾತನಾಡಿದ ಅವರು, ಕನ್ನಡದ ಚಿತ್ರವನ್ನು ದುಬೈಗೆ ತಂದು ಟ್ರೇಲರ್ ರಿಲೀಸ್ ಮಾಡ್ತಾ ಇರೋದು ಕನ್ನಡಿಗರಾದ ನಮಗೆಲ್ಲರಿಗೂ ತುಂಬಾ ಸಂತೋಷದ ವಿಚಾರ. ಈ ಚಿತ್ರ ಮನರಂಜನೆ ಜೊತೆಗೆ ಉತ್ತಮ ಮೆಸೇಜ್ ಇರುವಂತಹ ಚಿತ್ರ ಎಂದು ಟ್ರೇಲರ್ ನೋಡುವಾಗ ಅರ್ಥವಾಗುತ್ತದೆ. ಈ ಚಿತ್ರ ಯಶಸ್ವಿಯಾಗಿ, ಕರ್ನಾಟಕದಾದ್ಯಂತ ಮನೆಮಾತಾಗಲಿ ಎಂದು ಹಾರೈಸಿದರು.
 
ನಂತರ ಮಾತನಾಡಿದ ಜೈನ್ ಮಿಲನ್ ಅದ್ಯಕ್ಷರಾದ ದೇವ್ ಕುಮಾರ್ ಕಾಂಬ್ಳಿಯವರು, ಚಿತ್ರದ ಹೆಸರು ತುಂಬಾ ಅರ್ಥಗರ್ಬಿತವಾಗಿದೆ, ಟ್ರೇಲರ್ ನೋಡುವಾಗ ಇದರಲ್ಲಿ ಸರಕಾರಿ ಶಾಲೆಗಳ ಅವನತಿ ಬಗ್ಗೆ ಪ್ರಸ್ತಾಪವಿರುವುದು ಗೋಚರಿಸುತ್ತದೆ, ನಾನು ಕೂಡಾ ಸರ್ಕಾರಿ ಶಾಲೆಯಲ್ಲೇ ಓದಿರೋನು ಆದರೆ ದೇವರು ನನಗೆ ಯಾವುದರಲ್ಲೂ ಕಮ್ಮಿ ಮಾಡಿಲ್ಲ, ಈ ಚಿತ್ರ ಯಶಸ್ವಿಯಾಗಿ ನೂರು ದಿನ ಪೂರೈಸಲಿ ಎಂದು ಶುಭ ಹಾರೈಸಿದರು.
 
ಅರುಣ್ ಮುತುಗಡೂರ್ ಮಾತನಾಡಿ, “ಅಸತೋಮ ಸದ್ಗಮಯ” ಎನ್ನುವ ಶಬ್ದ ಕೇಳುವಾಗಲೇ ನಮ್ಮ ನೆನಪು ಶಾಲದಿನಗಳೆಡೆಗೆ ಜಾರುತ್ತದೆ. ಯಾಕೆಂದರೆ ಓದುವಾಗ ನಮ್ಮ ದಿನಚರಿ ಪ್ರಾರಂಭವಾಗುತ್ತಿದ್ದದ್ದೇ ಅಸತೋಮ ಸದ್ಗಮಯ ಮಂತ್ರದಿಂದ, ಈ ಚಿತ್ರದಲ್ಲಿ ಕೂಡ ಸರ್ಕಾರಿ ಶಾಲೆಯ ಪ್ರಸ್ತಾಪವಿರುವುದರಿಂದ, ಈ ಟೈಟಲ್ ಸೂಕ್ತವಾಗಿದೆ ಎಂದರು.
 
ಚಿತ್ರದ ನಿರ್ಮಾಪಕರಾದ ಅಶ್ವಿನ್ ಪಿರೇರಾ ಮಾತನಾಡಿ, ಕನ್ನಡ ಚಿತ್ರಗಳಾಗಲೀ ಅಥವಾ ಯಾವುದೇ ಕನ್ನಡ ಕಾರ್ಯಕ್ರಮಗಳಿಗೆ ನೀವು ನೀಡಿದ ಪ್ರೋತ್ಸಾಹ, ನಮ್ಮನ್ನು ಟ್ರೇಲರ್ ಬಿಡುಗಡೆಗೆ ಇಲ್ಲಿಯ ತನಕ ಕರೆದುಕೊಂಡು ಬಂದಿದೆ. ನಮ್ಮ ಚಿತ್ರಕ್ಕೂ ಇದೇ ತರಹ ಪ್ರೋತ್ಸಾಹ ನೀಡಬೇಕಾಗಿ ಕೇಳಿಕೊಂಡರು.
 
#AsathomaSadgamaya #Cineloka
'ನಟಸಾರ್ವಭೌಮ' ಚಿತ್ರದಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಯಾವ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎಂಬ ಕೂತುಹಲ ಪ್ರೇಕ್ಷಕರಲ್ಲಿತ್ತು. ಆ ಕುತೂಹಲಕ್ಕೆ ಈಗ ತೆರೆಬಿದ್ದಿದೆ.
 
ಅಪ್ಪು ತಮ್ಮ 28ನೇ ಚಿತ್ರ 'ನಟಸಾರ್ವಭೌಮ'ದಲ್ಲಿ ರಿಪೋರ್ಟರ್‌ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಪವನ್‌ ಒಡೆಯರ್ ನಿರ್ದೇಶನದ ರಾಕ್‌ಲೈನ್‌ ವೆಂಕಟೇಶ್‌ ನಿರ್ಮಾಣ ಮಾಡುತ್ತಿರುವ ಈ ಚಿತ್ರದ ಶೂಟಿಂಗ್‌ ಭರ್ಜರಿಯಾಗಿ ನಡೆಯುತ್ತಿದೆ. ರವಿಶಂಕರ್‌ ಎಂಟ್ರಿ ಸೀನ್‌ ಅನ್ನು ಇತ್ತೀಚೆಗೆ ಮೈಸೂರಿನ ವಿಮಾನ ನಿಲ್ದಾಣದಲ್ಲಿ ಚಿತ್ರೀಕರಿಸಿದ್ದಾರೆ.
ಈ ಚಿತ್ರದಲ್ಲಿ ಪುನೀತ್‌ ರಾಜ್‌ಕುಮಾರ್‌ಗೆ ರಚಿತಾ ರಾಮ್‌ ನಾಯಕಿಯಾಗಿದ್ದಾರೆ. ರಚಿತಾ ರಾಮ್‌ ನಟನೆಯ ಜಾನಿ ಜಾನಿ ಎಸ್‌ ಪಪ್ಪಾ ಈ ವಾರ ಬಿಡಗುಡೆಯಾಗಲಿದೆ.
 
 
ಅಪ್ಪು ಹುಟ್ಟು ಹಬ್ಬಕ್ಕೆ ಬಿಡುಗಡೆ ಮಾಡಿದ್ದ ಚಿತ್ರದ ಫರ್ಸ್ಟ್ ಲುಕ್ ಅಭಿಮಾನಿಗಳಿಗೆ ಖುಷಿ ಕೊಟ್ಟಿತ್ತು. ಪ್ರತಿ ಸಿನಿಮಾದಲ್ಲಿಯೂ ವಿಭಿನ್ನ ಪಾತ್ರಗಳನ್ನು ಮಾಡುವ ಪುನೀತ್‌ ರಾಜ್‌ಕುಮಾರ್‌ ಈ ಬಾರಿ ರಿಪೋರ್ಟರ್‌ ಆಗಿ ಯಾವ ಮೋಡಿ ಮಾಡುತ್ತಾರೋ ಕಾದು ನೋಡಬೇಕಿದೆ.
 
#Cineloka #NataSarvabhowma #PowerStarPuneethRajkumar
 
ಎಂ.ಬಿಗ್‌ ಪಿಕ್ಚರ್ಸ್‌ ಲಾಂಛನದಲ್ಲಿ ತಯಾರಾಗಿರುವ 'ಹೈಪರ್‌' ಸಿನಿಮಾದ ಟ್ರೇಲರ್‌ ಈಗ ಹಿಟ್‌ ಆಗಿದ್ದು, 22 ಲಕ್ಷಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ.
ಜಮ್ಮು, ಕಾಶ್ಮೀರ, ಮಡಿಕೇರಿ, ಬೆಂಗಳೂರು ಮುಂತಾದ ಕಡೆ ಚಿತ್ರೀಕರಣ ನಡೆದಿರುವ ಈ ಚಿತ್ರದಲ್ಲಿ ಅರ್ಜುನ್‌ ಆರ್ಯ ನಾಯಕರಾಗಿದ್ದಾರೆ.
ನಾಯಕ ಅರ್ಜುನ್‌ ಆರ್ಯ ಬರೆದಿರುವ ಈ ಕಥೆಗೆ ಗಣೇಶ್‌ ವಿನಾಯಕ್‌ ಎಂಬುವವರು ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ.
ಕಾಲೇಜ್‌ ಲವ್‌ ಸ್ಟೊರಿ ಹಾಗೂ ಅಪ್ಪ- ಮಗಳ ಭಾಂಧವ್ಯದ ಕಥಾ ಹಂದರ ಈ ಚಿತ್ರದಲ್ಲಿದ್ದು, ಐದು ಹಾಡುಗಳನ್ನು ಹೊಂದಿದೆ. ತಮಿಳಿನ ಖ್ಯಾತ ಸಂಗೀತ ನಿರ್ದೇಶಕ ಡಿ ಇಮಾನ್‌ ಈ ಚಿತ್ರಕ್ಕೆ ಮ್ಯೂಸಿಕ್‌ ಕಂಪೋಸ್‌ ಮಾಡಿದ್ದಾರೆ. ಎ.ಪಿ.ಅರ್ಜುನ್‌, ಬಹದ್ದೂರ್‌ ಚೇತನ್‌, ದಿಲ್‌ವಾಲ ಅನಿಲ್‌ ಹಾಗೂ ಗೌಸ್‌ಫಿರ್‌ ಬರೆದಿದ್ದಾರೆ.
 
ಅರ್ಜುನ್‌ ಆರ್ಯ, ಶೀಲ, ರಂಗಾಯಣ ರಘು, ಶೊಭರಾಜ್‌, ಬುಲೆಚ್‌ ಪ್ರಕಾಶ್‌, ಅಚ್ಯುತಕುಮಾರ್‌ ಸೇರಿದಂತೆ ಸಾಕಷ್ಟು ಮಂದಿ ಈ ಚಿತ್ರದಲ್ಲಿ ನಟಿಸಿದ್ದಾರೆ.
ಟ್ರೇಲರ್ ಲಿಂಕ್ : https://www.youtube.com/watch?v=TCLX6LPSCSs

ಸೀನಿ ನಿರ್ದೇಶನದ '6ನೇ ಮೈಲಿ' ಚಿತ್ರದಲ್ಲಿ ಒಂದೇ ಒಂದು ಹಾಡಿದ್ದು, ಆ ಹಾಡನ್ನು ಕಿಚ್ಚ ಸುದೀಪ್‍ ಮೆಚ್ಚಿಕೊಂಡು ಟ್ವೀಟ್‍ ಮಾಡಿದ್ದಾರೆ.

 

ಡೆತ್‍ ಮೆಟಲ್‍ ಮ್ಯೂಸಿಕ್‍ ಬಳಸಿದ್ದ ಹಾಡು ಬಿಡುಗಡೆಗೂ ಮುನ್ನವೇ ಸುದ್ದಿ ಮಾಡಿತ್ತು. "6ನೇ ಮೈಲಿ" ಚಿತ್ರದ ಈ ಹಾಡಿಗೆ ಲಂಡನ್‍ನಲ್ಲಿ ಗ್ರ್ಯಾಮಿ ಅವಾರ್ಡ್‍ ವಿನ್ನರ್ಸ್‍ ಬಳಿ ಡೆತ್‍ ಮೆಟಲ್‍ ಮ್ಯೂಸಿಕ್‍ ಕಂಪೋಸ್‍ ಮಾಡಿಸಲಾಗಿತ್ತು. ಈ ಹಾಡನ್ನು ಇತ್ತೀಚೆಗೆ ಸುದೀಪ್‍ ಕೇಳಿದ್ದಾರೆ, ಕೇಳಿ ಇದರಲ್ಲಿ ಬಳಸಿರುವ ಮ್ಯೂಸಿಕ್‍ ಬಗ್ಗೆ ಮತ್ತು ಹಾಡಿದ ವಸಿಷ್ಠ ಸಿಂಹ ಬಗ್ಗೆಯೂ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ.

 

ಈ ಚಿತ್ರದಲ್ಲಿ ನಟ ಸಂಚಾರಿ ವಿಜಯ್‌ ವಿಭಿನ್ನ ಪಾತ್ರದಲ್ಲಿ ನಟಿಸಿದ್ದು, ಟ್ರಕ್ಕಿಂಗ್‌ ಲೀಡರ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ರಿಯಲ್‌ ಆರ್‌ಜೆಗಳ ತಂಡವೊಂದು ನಟಿಸಿರುವುದು ವಿಶೇಷ.

 

ಟ್ರಕ್ಕಿಂಗ್‌ಗೆ ಹೋದ ಎರಡು ತಂಡಗಳು 6ನೇ ಮೈಲಿಯ ಸಮೀಪ ದಾರಿ ತಪ್ಪುತ್ತಾರೆ. ಇದು ಹೇಗಾಗುತ್ತದೆ. ಮುಂದೆ ಏನಾಗುತ್ತದೆ ಎನ್ನುವುದು ಚಿತ್ರದ ಕತೆ. ಇದರ ಜತೆ ನಕ್ಸಲರ ಸ್ಟೋರಿಯೂ ಇದೆ ಎನ್ನುವ ಸುದ್ದಿಯಿದೆ.

ದುನಿಯಾ ವಿಜಯ್‌ ಮತ್ತು ರಚಿತಾ ರಾಮ್‌ ನಟನೆಯ 'ಜಾನಿ ಜಾನಿ ಎಸ್‌ ಪಪ್ಪಾ' ಸಿನಿಮಾ ಸೆನ್ಸಾರ್‌ ಆಗಿದ್ದು, ಯು/ಎ ಪ್ರಮಾಣ ಪತ್ರ ಸಿಕ್ಕಿದೆ.

 

ಈಗಾಗಲೇ ಆಡಿಯೋ ಬಿಡುಡೆಯಾಗಿದ್ದು, ಜನರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿದೆ. ಇದೇ 30ಕ್ಕೆ ಸಿನಿಮಾ ಬಿಡುಗಡೆಯಾಗಲಿದ್ದು, ಪ್ರೀತಂ ಗುಬ್ಬಿ ಇದಕ್ಕೆ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ.
ಜಾನಿ ಮೇರಾ ನಾಮ್‌ ಪ್ರೀತಿ ಮೇರಾ ಕಾಮ್‌ ಚಿತ್ರದ ಸಿಕ್ವೇಲ್‌ ಇದಾಗಿದ್ದು, ಫುಲ್‌ ಫನ್‌ನಿಂದ ಚಿತ್ರ ಕೂಡಿರುತ್ತದೆ ಎಂದು ಚಿತ್ರತಂಡ ಹೇಳಿದೆ.

 

ರಂಗಾಯಣ ರಘು, ಗಡ್ಡಪ್ಪ, ಅಚ್ಯುತಕುಮಾರ್‌ ಸೇರಿದಂತೆ ಸಾಕಷ್ಟು ಮಂದಿ ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ಮೋಹನ್‌ ಬಿ ಕೆರೆ ಸೆಟ್‌ನ್ಲಲಿ ಈ ಚಿತ್ರದಕ್ಕಾಗಿ ವಿಶೇಷ ಸೆಟ್‌ ಹಾಕಲಾಗಿತ್ತು.

ದುನಿಯಾ ವಿಜಯ್‌ ತಮ್ಮ ಹೋಮ್‌ ಬ್ಯಾನರ್‌ ದುನಿಯಾ ಟಾಕೀಸ್‌ನಿಂದ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ.

 

ಹಿಂದಿ ಭಾಷೆಯಲ್ಲಿ ಸಿಕ್ಕಾಪಟ್ಟೆ ಬೇಡಿಕೆ ಇರುವ ಹಾಸ್ಯ ನಟ ಜಾನಿ ಲಿವರ್‌ 'ಗರ' ಎಂಬ ಕನ್ನಡ ಸಿನಿಮಾ ಮೂಲಕ ಸ್ಯಾಂಡಲ್‌ವುಡ್‌ಗೆ ಕಾಲಿಟ್ಟಿದ್ದಾರೆ. ತನ್ನ ವಿಶಿಷ್ಠವಾದ ಆಂಗಿಕ ಅಭಿನಯ ಶೈಲಿಯಿಂದಲೇ ಭಾರೀ ಮೋಡಿ ಮಾಡಿರೋ ಜಾನಿ, ಹಿಂದಿಯ ಬಹುತೇಕ ಸೂಪರ್‌ ಸ್ಟಾರ್‌ಗಳ ಜತೆ ನಟಿಸಿದ್ದಾರೆ.

 

'ಗರ' ಚಿತ್ರದಲ್ಲಿ ಕಿರುತೆರೆ ನಟ ಆರ್ಯನ್ & ಬಿಗ್‌ಬಾಸ್‌ ಖ್ಯಾತಿಯ ಟಿವಿ ನಿರೂಪಕ ರೆಹಮಾನ್‌ ನಾಯಕರಾಗಿ ನಟಿಸಿದ್ದಾರೆ.ನಾಯಕಿಯರಾಗಿ ನೇಹಾ ಪಾಟೀಲ್ ಮತ್ತು ಅವಂತಿಕಾ ಮೋಹನ್ ಇದ್ದಾರೆ. ಮುರಳಿಕೃಷ್ಣ ಇದರ ಕ್ಯಾಪ್ಟನ್‌ ಆಗಿದ್ದಾರೆ.ಈಗಾಗಲೇ ಚಿತ್ರೀಕರಣ ಕಂಪ್ಲೀಟ್‌ ಆಗಿದೆ.

 

ಜಾನಿ ಲಿವರ್‌ ಮತ್ತು ಸಾಧುಕೋಕಿಲಾ ಅವರ ಭಾಗದ ದೃಶ್ಯಗಳನ್ನು ಚಿತ್ರೀಕರಿಸಿಕೊಳ್ಳುವ ಮೂಲಕ ಕುಂಬಳಕಾಯಿ ಒಡೆಯಲಾಗಿದೆಯಂತೆ.

ಮುರಳಿಕೃಷ್ಣ ಈ ಕಥೆ ಹೇಳಿದಾಗ ಅದರ ಸೊಗಸಿಗೆ ಮನ ಸೋತೇ ರೆಹಮಾನ್‌ ನಟಿಸಲು ಒಪ್ಪಿಕೊಂಡಿದ್ದರಂತೆ. ಈ ಕಥೆಯಲ್ಲಿ ಒಂದು ಪಾತ್ರವನ್ನು ಆಯ್ಕೆ ಮಾಡಿಕೊಳ್ಳುವ ಅವಕಾಶವನ್ನೂ ನಿರ್ದೇಶಕರು ಕೊಟ್ಟಿದ್ದರಂತೆ. ಈ ಸಿನಿಮಾದಲ್ಲಿ ಅವರ ಪಾತ್ರಕ್ಕೆ ಮೂರು ಶೇಡ್‌ ಇದ್ದು, ನನ್ನ ಕೈಲಾದಷ್ಟುನ್ನು ನಾನು ಮಾಡಿದ್ದೇನೆ ಎಂದು ಅವರು ಮಾಧ್ಯಮಗಳಿಗೆ ತಿಳಿಸಿದರು.

 

ಈ ಚಿತ್ರದಲ್ಲಿಯೂ ಜಾನಿ ಲಿವರ್‌ ಸಾಧು ಕೋಕಿಲಾರ ಅಣ್ಣನಾಗಿ ನಟಿಸಿದ್ದಾರೆ. ಈ ಸಿನಿಮಾದಲ್ಲಿ ಜಾನಿ-ಸಾಧು ಕಾಂಬಿನೇಶನ್‌ ಸಿಕ್ಕಾಪಟ್ಟೆ ಇಷ್ಟವಾಗುತ್ತದಂತೆ.

 
ಸ್ಯಾಂಡಲ್‌ವುಡ್‌ನಲ್ಲಿ ಇತ್ತೀಚೆಗೆ ಸಾಕಷ್ಟು ಸಿನಿಮಾಗಳು ಟೈಟಲ್‌ನಿಂದ ಗಮನ ಸೆಳೆಯುತ್ತಿವೆ. ಈ ಸಾಲಿಗೆ ಹೊಸ ಸೇರ್ಪಡೆ ಮಂಗಳವಾರ ರಜಾದಿನ ಎಂಬ ಸಿನಿಮಾ ಕೂಡಾ ಸೇರ್ಪಡೆಯಾಗಿದೆ.
 
 
ತ್ರಿವರ್ಗ ಫಿ‚ಲಂಸ್‌ ಲಾಂಛನದಲ್ಲಿ ಟೀಮ್‌ ತ್ರಿವರ್ಗ ನಿರ್ಮಾಣ ಮಾಡುತ್ತಿರುವ ಈ ಚಿತ್ರದಲ್ಲಿ ಕಿರಿಕ್‌ ಪಾರ್ಟಿ ಖ್ಯಾತಿಯಚಂದನ್‌ ಆಚಾರ್‌ ನಾಯಕರಾಗಿ ನಟಿಸುತ್ತಿದ್ದಾರೆ. ಈಗಾಗಲೇ ಚಿತ್ರೀಕರಣ ಆರಂಭವಾಗಿದ್ದು, ಬೆಂಗಳೂರು ಸುತ್ತಮುತ್ತ ಶೂಟಿಂಗ್‌ ನಡೆಯುತ್ತಿದೆ.
 
ಯುವಿನ್‌ ಎಂಬ ಹೊಸ ಹುಡುಗ ಈ ಚಿತ್ರಕ್ಕೆ ಕಥೆ ಚಿತ್ರಕಥೆ ಸಂಭಾಷಣೆ ಬರೆದು ನಿರ್ದೇಶನವನ್ನು ಮಾಡುತ್ತಿದ್ದಾರೆ. ಯೋಗರಾಜ್‌ ಭಟ್‌ ಹಾಗೂ ಗಡ್ದ ಜಿ ಅವರ ಬಳಿ ಸಹ ನಿರ್ದೇಶಕರಾಗಿದ್ದ ಯುವಿನ್‌ಗೆ ಮಂಗಳವಾರ ರಜಾ ದಿನ ಮೊದಲ ಅನುಭವವಾಗಿದೆ. ಉದಯ್‌ ಲೀಲಾ ಅವರ ಛಾಯಾಗ್ರಹಣರುವ ಈ ಚಿತ್ರಕ್ಕೆ ಪ್ರಚೋತ್‌ ಡಿಸೋಜ ಅವರ ಸಂಗೀತ ನಿರ್ದೇಶನದೆ. ಜಯಂತ್‌ ಕಾಯ್ಕಿಣಿ, ಚಂದನ್‌ ಶೆಟ್ಟಿ, ಯೋಗರಾಜ್‌ ಭಟ್‌ ಈ ಚಿತ್ರದ ಹಾಡುಗಳನ್ನು ಬರೆದಿದ್ದಾರೆ.
 
 
ಇದೊಂದು ಹಾಸ್ಯ ಪ್ರಧಾನ ಚಿತ್ರವಾಗಿದ್ದು, ಚಂದನ್‌ಗೆ ನಾಯಕಿಯಾಗಿ ಲಾಸ್ಯ ನಾಗರಾಜ್‌ ನಟಿಸುತ್ತಿದ್ದಾರೆ. ಗೋಪಾಲಕೃಷ್ಣ ದೇಶಪಾಂಡೆ ಚಿತ್ರದ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳುತ್ತಿದ್ದಾರೆ.
ನಾಯಕ ಚಂದನ್‌ ಆಚಾರ್‌ ಚಿತ್ರದಲ್ಲಿ ಕ್ಷೌರಿಕನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
#MangalaVaaraRajaDina #Cineloka

 

ಒಟ್ಟೊಟ್ಟಿಗೆ ಎರಡು ಚಿತ್ರಗಳನ್ನು ಅನೌನ್ಸ್‌ ಮಾಡಿದ್ದ ನಿರ್ದೇಶಕ ದಯಾಳ್‌ ಪದ್ಮನಾಭನ್‌ ಈಗ ಒಂದು ಚಿತ್ರದ ಶೂಟಿಂಗ್‌ ಮುಗಿಸಿ ಮತ್ತೊಂದನ್ನು ಆರಂಭಿಸಿದ್ದಾರೆ.

 

ಹೌದು ಆ ಕರಾಳ ರಾತ್ರಿ ಮತ್ತು ಪುಟ 109 ಎಂಬ ಎರಡು ಚಿತ್ರವನ್ನು ದಯಾಳ್‌ ಒಟ್ಟಿಗೆ ಆರಂಭಿಸಿದ್ದರು. ಅದರಲ್ಲಿ ಮೊನ್ನೆ ಯುಗಾದಿ ದಿನ ಮಧ್ಯ ರಾತ್ರಿ 2 ಗಂಟೆಯ ಹೊತ್ತಿಗೆ ಆ ಕರಾಳ ರಾತ್ರಿ ಶೂಟಿಂಗ್‌ ಕಂಪ್ಲೀಟ್‌ ಮಾಡಿದ್ದಾರೆ. ಈಗ ಪುಟ 109 ಎಂಬ ಸಿನಿಮಾದ ಚಿತ್ರೀಕರಣವನ್ನು ಆರಂಭಿಸಿದ್ದಾರೆ.

ಯುಗಾದಿ ದಿನ ಮಧ್ಯ ರಾತ್ರಿ ಆ ಕರಾಳ ರಾತ್ರಿಗೆ ಕುಂಬಳಕಾಯಿ ಹೊಡೆದ ದಯಾಳ್‌, ಬೆಳಗ್ಗೆ 6 ಗಂಟೆಗೆ ಪುಟ 109ಕ್ಕೆ ಹೇಮಾವತಿ ನದಿಯ ಬಳಿ ಇರುವ ಗಣೇಶ ದೇವಸ್ಥಾನದಲ್ಲಿ ಪೂಜೆ ಮಾಡಿದ್ದಾರೆ.

 

ಸದ್ಯ ಬಾಳೂರು ಕಾಫಿ ಎಸ್ಟೇಟ್‌ನಲ್ಲಿ ಶೂಟಿಂಗ್‌ ನಡೆಸುತ್ತಿದ್ದು, ಇದರಲ್ಲಿ ಜಯರಾಮ್‌ ಕಾರ್ತಿಕ್‌ ಮತ್ತು ನವೀನ್‌ ಕೃಷ್ಣ ನಟಿಸುತ್ತಿದ್ದಾರೆ. ಜೆಕೆ ಇಲ್ಲಿ ಪೊಲೀಸ್‌ ಆಫೀಸರ್‌ ರೋಲ್‌ ಮಾಡುತ್ತಿದ್ದಾರೆ. ಒಟ್ಟಿನಲ್ಲಿ ದಯಾಳ್‌ ಬಹಳ ಫಾಸ್ಟಾಗಿ ಸಿನಿಮಾಗಳನ್ನು ಮುಗಿಸುತ್ತಿದ್ದಾರೆ.

ಟೈಟಲ್‌ಗಳಿಂದ ಗಮನ ಸೆಳೆಯುತ್ತಿರುವ ಸಿನಿಮಾಗಳ ಸಾಲಿಗೆ ಸೇರಿರುವ ಪ್ರಯಾಣಿಕರ ಗಮನಕ್ಕೆ ಸಿನಿಮಾದಲ್ಲಿ ಬಸ್‌ನಲ್ಲಿ ಪ್ರಯಾಣ ಮಾಡುವಾಗ ಪ್ರಯಾಣಿಕರ ನಡುವೆ ನಡೆಯುವ ಘಟನೆಗಳೇ ಕಥೆಯಾಗಿದೆಯಂತೆ.
 
ಈ ಚಿತ್ರದ ಆಡಿಯೋ ಇತ್ತೀಚೆಗೆ ಬಿಡುಗಡೆಯಾಯಿತು. ಕಾರ್ಯಕ್ರಮಕ್ಕೆ ನಿರ್ದೇಶಕರಾದ ಯಶಸ್ವಿ ಎ ಪಿ ಅರ್ಜುನ್‌ ಮತ್ತು ಭರ್ಜರಿ ಚೇತನ್‌ ಅತಿಥಿಗಳಾಗಿ ಆಗಮಿಸಿದ್ದರು.
 
ಈ ಚಿತ್ರದಲ್ಲಿ ಎರಡು ಹಾಡುಗಳಿದ್ದು, ಎ ಪಿ ಅರ್ಜುನ್‌ ಮತ್ತು ಭರ್ಜರಿ ಚೇತನ್‌ಕುಮಾರ್‌ ಬರೆದಿದ್ದಾರೆ. ರಾತ್ರಿ 6.30 ರಿಂದ 10.30ರ ಒಂದು ಬಸ್‌ನಲ್ಲಿ ಈ ಕಥೆ ನಡೆಯುತ್ತದೆ. ಕತ್ತಲಾದ ಮೇಲೆ ಬೆಂಗಳೂರು ಜಗತ್ತು ಹೇಗಿರುತ್ತೆ ಎಂಬುದನ್ನು ತೋರಿಸಿರುವುದು ಈ ಚಿತ್ರದ ವಿಶೇಷ. ಈ ಚಿತ್ರಕ್ಕೆ ಮನೋಹರ್‌ ಎಂಬುವವರು ನಿರ್ದೇಶನ ಮಾಡಿದ್ದು, ಇದು ಇವರಿಗೆ ಮೊದಲ ಸಿನಿಮಾವಾಗಿದೆ.
 
ಪ್ರಯಾಣಿಕರ ಗಮನಕ್ಕೆ ಸಿನಿಮಾದಲ್ಲಿ ಏಳು ಪ್ರಮುಖ ಪಾತ್ರಗಳಿವೆ. ಈಗಾಗಲೇ ಶೂಟಿಂಗ್‌ ಕಂಪ್ಲೀಟ್‌ ಮಾಡಿರುವ ಚಿತ್ರತಂಡ, ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸದಲ್ಲಿ ಬ್ಯುಸಿಯಾಗಿದೆ.
 
ಬೆಂಗಳೂರು ಸುತ್ತಮುತ್ತ ಚಿತ್ರೀಕರಣ ನಡೆಸಿರುವು ಈ ಚಿತ್ರದಲ್ಲಿ ಚಾಲಕನಾಗಿ ಭರತ್‌, ಕಾಮಿಡಿ ಕಿಲಾಡಿಗಳು ಖ್ಯಾತಿ ಲೋಕೇಶ್‌ ಕಂಡಕ್ಟರ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಅಮಿತಾರಂಗನಾಥ್‌ ,ಪವಿತ್ರಾ, ನಿನಾದ್‌ ಹರೀಶ್‌ ಷಾ, ದೀಪಕ್‌ ಶೆಟ್ಟಿ, ಅಮಿತಾ, ಗೋಪಾಲ್‌ಕೃಷ್ಣ ದೇಶಪಾಂಡೆ, ಪ್ರಣಯಮೂರ್ತಿ ನಟಿಸಿದ್ದಾರೆ.
 
3 ಪೆಗ್ ಖ್ಯಾತಿಯ ವಿಜೇತ್‌ ಕೃಷ್ಣ ಸಂಗೀತ ಒದಗಿಸಿದ್ದಾರೆ. ಸುರೇಶ್‌ ಮತ್ತು ವಕೀಲರಾಗಿರುವ ಮೋಹನ್‌ಕುಮಾರ್‌ ಈ ಚಿತ್ರಕ್ಕೆ ನಿರ್ಮಾಪಕರಾಗಿದ್ದಾರೆ.
#PrayanikaraGamanakke #Cineloka

 

ಸ್ಯಾಂಡಲ್‌ವುಡ್‌ನಲ್ಲಿ ನೈಜ ಘಟನೆಗಳನ್ನು ಆಧರಿಸಿ ಹೆಚ್ಚೆಚ್ಚು ಚಿತ್ರಗಳನ್ನು ಮಾಡುತ್ತಿದ್ದಾರೆ. ಈಗ ಬಿಡುಗಡೆಗೆ ಸಿದ್ಧವಾಗಿರುವ ಎಟಿಎಂ (ಅಟೆಂ ಟು ಮರ್ಡರ್‌) ಸಹ ನೈಜ ಘಟನೆಗಳನ್ನು ಇಟ್ಟುಕೊಂಡು ಮಾಡಿರುವ ಸಿನಿಮಾವಾಗಿದೆ.

 

ಈ ಚಿತ್ರದ ಟ್ರೇಲರ್‌ನ್ನು ಇತ್ತೀಚೆಗೆ ಕಿಚ್ಚ ಸುದೀಪ್‌ ಬಿಡುಗಡೆ ಮಾಡಿದರು. ‘ನಮ್ಮ ಅಕ್ಕ-ಪಕ್ಕದಲ್ಲಿ ನಡೆದ ಘಟನೆಯನ್ನು ತೆಗೆದುಕೊಂಡು ಕಥೆ ಮಾಡಿದ್ದಾರೆಂದು ಗೊತ್ತಾಯಿತು, ಟ್ರೇಲರ್ ಚೆನ್ನಾಗಿದೆ. ಹಿನ್ನಲೆ ಸಂಗೀತ, ವಿನಯ ಗೌಡ ಕಂಠ ಚೆನ್ನಾಗಿ ಮೂಡಿ ಬಂದಿದೆ. ಮಲೆಯಾಳಂ ಚಿತ್ರರಂಗದಲ್ಲಿ ಯುವ ಪ್ರತಿಭೆಗಳು ಉತ್ತಮ ಸಿನಿಮಾಗಳನ್ನು ನೀಡುತ್ತಿದ್ದಾರೆ. ಅಂತಹ ಪ್ರಯತ್ನಗಳು ಸ್ಯಾಂಡಲ್‌ವುಡ್‌ನಲ್ಲಿಯೂ ನಡೆಯುತ್ತಿರುವುದು ನಿಜಕ್ಕೂ ಸಂತೋಷದ ವಿಷಯ . ಇನ್ನು ಒಳ್ಳೆಯ ಕಂಟೆಂಟ್‌ ಕೊಟ್ಟರೆ ಪ್ರೆಕ್ಷಕರು ಒಪ್ಪಿಕೊಳ್ತಾರೆ, ಮತ್ತು ಮೆಚ್ಚಿಕೊಳ್ತಾರೆ, ಸಿನಿಮಾವನ್ನು ಸರಿಯಾದ ಸಮಯದಲ್ಲಿ ಬಿಡುಗಡೆ ಮಾಡಿ ಎಂದು ಚಿತ್ರತಂಡಕ್ಕೆ ಸಲಹೆ ನೀಡಿ, ಟ್ರೇಲರ್‌ ಬಿಡುಗಡೆ ಮಾಡಿದರು.

 

ಮುಗ್ಧ ಕ್ಯಾಬ್‌ ಚಾಲಕನೊಬ್ಬ ತನಗೆ ಗೊತ್ತಿಲ್ಲದೆ ತೊಂದರೆಯಲ್ಲಿ ಸಿಲುಕಿ ಹಾಕಿಕೊಂಡು, ಅನುಭವಿಸುವ ಕಷ್ಟವನ್ನು ಇಲ್ಲಿ ತೋರಿಸಲಾಗಿದೆಯಂತೆ. ಈ ಪಾತ್ರದಲ್ಲಿ ಸೀರಿಯಲ್‌ ನಟ ಚಂದು ನಟಿಸಿದ್ದಾರೆ. 2013 ಎಟಿಎಂನಲ್ಲಿ ನಡೆದ ನೈಜ ಘಟನೆಯನ್ನು ಈ ಚಿತ್ರಕ್ಕಾಗಿ ಬಳಸಿಕೊಳ್ಳಲಾಗಿದೆ.

 

ಈ ಚಿತ್ರವನ್ನು ನಾರಾಯಣ್‌ ಎಂಬುವವರು ನಿರ್ಮಾಣ ಮಾಡಿದ್ದಾರೆ. ಈ ಚಿತ್ರಕ್ಕೆ ಅಮರ್‌ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ಖಾಸಗಿ ವಾಹಿನಿಯಲ್ಲಿ ಆ್ಯಂಕರ್‌ ಆಗಿರುವ ಹೇಮಾ, ಶೋಬಿತಾ ನಟಿಸಿದ್ದಾರೆ.

 
ಒಂದು ಮೊಟ್ಟೆಯ ಕಥೆ ಮೂಲಕ ಪ್ರೇಕ್ಷಕರನ್ನು ಮೋಡಿ ಮಾಡಿದರಾಜ್.ಬಿ.ಶೆಟ್ಟಿಯಿಂದ ಹಿಡಿದು ನಿತ್ಯೋತ್ಸವದ ಕವಿ ನಿಸಾರ್‍ ಅಹಮ್ಮದ್‍ವರೆಗೆ, ಸಾಲು ಸಾಲು ಮರಗಳಿಂದ ಹಸಿರಿಗೇ ಉಸಿರು ನೀಡಿದ ಸಾಲು ಮರದತಿಮ್ಮಕ್ಕನಿಂದ ಪವರ್‍ಸ್ಟಾರ್ ಪುನಿತ್‍ವರೆಗೆ...ಯಶ್, ಹಂಸಲೇಖ, ರವಿಚಂದ್ರನ್, ಸಂತೋಷ್‍ಹೆಗ್ಡೆ ಸೇರಿದಂತೆ ಗಣ್ಯಾತೀ ಗಣ್ಯರು, 20 ಪ್ರಶಸ್ತಿಗಳು, ಹಿರಿಯರ ಅನುಭವದ ಮಾತಿಗೆ, ಕಿರಿಯರ ಮನರಂಜನೆಯ ಬಾತು. ಹಾಡು, ನೃತ್ಯ, ಕುಣಿತ, ನಗುವಿನ ಕಚಗುಳಿ...ಹೀಗೆ ಸಮಸ್ತ ಕರ್ನಾಟಕದ ಹೆಮ್ಮೆಯನ್ನೇ ಕಣ್ಣೆದುರಿಗೆ ಕಟ್ಟಿಕೊಟ್ಟ ಜೀಕನ್ನಡ ವಾಹಿನಿಯ‘ಹೆಮ್ಮೆಯಕನ್ನಡಿಗ 2018’.
ಕನ್ನಡ ಕಿರುತೆರೆ ಲೋಕದಲ್ಲಿ ವರ್ಷಪೂರ್ತಿ ವಿಶಿಷ್ಠ ಕಾರ್ಯಕ್ರಮಗಳನ್ನು ಬಿತ್ತರಿಸಿ ಕರುನಾಡಿನ ಮನೆ-ಮನಗಳಿಗೆ ವ್ಯಾಪಿಸಿರುವ ಜೀ ಕನ್ನಡ, ನಮ್ಮ ನಾಡು-ನುಡಿಗಾಗಿ ಶ್ರಮಿಸಿದ ಸಾಧಕರನ್ನುಗೌರವಿಸಲು `ಹೆಮ್ಮೆಯಕನ್ನಡಿಗ 2018’ ಎಂಬ ವಿನೂತನಕಾರ್ಯಕ್ರಮವನ್ನು ಸಾದರಪಡಿಸುತ್ತಿದೆ. ಸಮಾಜದ ವಿವಿಧ ಕ್ಷೇತ್ರಗಳಾದ ಮನರಂಜನೆ, ಕ್ರೀಡೆ, ಸಮಾಜಸೇವೆ, ಪತ್ರಿಕೋದ್ಯಮ, ಸಾಹಿತ್ಯ ಮೊದಲಾದ ವಲಯಗಳಲ್ಲಿ ಅಪಾರ ಸಾಧನೆಗೈದುನಾಡಿನಘನತೆಗಗನದೆತ್ತರಕ್ಕೆ ಏರಿಸಿದವರನ್ನು ಕಾರ್ಯಕ್ರಮದಲ್ಲಿಸನ್ಮಾನಿಸುತ್ತಿದೆ.
ಕರುನಾಡಿನ ನಡೆದಾಡುವ ದೇವರೆನಿಸಿರುವ ಶ್ರೀಸಿದ್ಧಗಂಗಾ ಮಠದಪರಮಪೂಜ್ಯ ಶ್ರೀ ಡಾ||ಶಿವಕುಮಾರ ಸ್ವಾಮೀಜಿಯವರಿಗೆ‘ಕನ್ನಡದಹೆಮ್ಮೆ’ಗೌರವವನ್ನು ಸಮರ್ಪಿಸಲಾಯಿತು. ಜೀಕನ್ನಡ ವಾಹಿನಿ ಶ್ರೀಮಠಕ್ಕೆ ತೆರಳಿ ಶ್ರೀಗಳ ಸನ್ನಿಧಾನದಲ್ಲೇಅವರಿಗೆ ಈ ಗೌರವ ಸಲ್ಲಿಸಿದ್ದು ವಿಶೇಷವಾಗಿತ್ತು. ಗೌರವ ಸ್ವೀಕರಿಸಿ ಆಶೀರ್ವಚನ ನೀಡಿದ ಶ್ರೀಗಳು ಜೀಕನ್ನಡದ ಈ ಕಾರ್ಯಕ್ರಮವನ್ನು ಶ್ಲಾಘಿಸಿದರು. ವಾಹಿನಿಯಿಂದಇನ್ನಷ್ಟುಉತ್ತಮ ಕಾರ್ಯಕ್ರಮಗಳು ಬರಲಿ ಎಂಬ ಆಶಯ ವ್ಯಕ್ತಪಡಿಸಿದರು.
ಇದಲ್ಲದೆ ಹೆಮ್ಮೆಯ ಸಾಹಿತಿ, ಹೆಮ್ಮೆಯ ಪತ್ರಕರ್ತ ಸೇರಿದಂತೆ 19 ಕ್ಷೇತ್ರಗಳಲ್ಲಿ ಅನನ್ಯ ಸಾಧನೆ ಮಾಡಿದ ಸಾಧಕರನ್ನು ಆಹ್ವಾನಿಸಿ, ಅಭಿನಂದಿಸಲಾಯಿತು. ಸಾಧಕರಿಗೆ, ಅವರಷ್ಟೆ ಸಾಧನೆ ಮಾಡಿದಗಣ್ಯರಿಂದಲೇ ಈ ಗೌರವ ಸಲ್ಲಿಸಿದ್ದು ಮತ್ತೊಂದು ವಿಶೇಷವಾಗಿತ್ತು. ಕಾರ್ಯಕ್ರಮದಚಿತ್ರೀಕರಣ ಈಗಾಗಲೇ ಪೂರ್ತಿಗೊಂಡಿದ್ದು, ಮಾರ್ಚ್.17,18ರಂದುರಾತ್ರಿ 7.30ಕ್ಕೆ ಜೀಕನ್ನಡ ವಾಹಿನಿಯಲ್ಲಿಈ ಕಾರ್ಯಕ್ರಮ ಪ್ರಸಾರವಾಗಲಿದೆ.
ಯಾರಿಗೆಲ್ಲ ಗೌರವ??
ನಿತ್ಯೋತ್ಸವದ ಕವಿ ನಿಸಾರ್‍ಅಹಮ್ಮದ್‍ಅವರಿಗೆ ಜನಪದ ಕವಿ, ಪದ್ಮಶ್ರಿ ಪುರಸ್ಕøತ ದೊಡ್ಡರಂಗೇಗೌಡರು‘ಹೆಮ್ಮೆಯಸಾಹಿತಿ’ ಪ್ರಶಸ್ತಿ ನೀಡಿ ಗೌರವಿಸಿದರು.
ವಿಜಯಕರ್ನಾಟಕ ಪತ್ರಿಕೆ ಮೂಲಕ ಕನ್ನಡ ಪತ್ರಿಕೋದ್ಯಮದಲ್ಲೊಂದುಹೊಸ ಅಲೆ ಹುಟ್ಟುಹಾಕಿದ ವಿಶ್ವೇಶ್ವರ ಭಟ್ಟರಿಗೆ ನಾಡೋಜ ಪಾಟೀಲ್ ಪುಟ್ಟಪ್ಪನವರು‘ಹೆಮ್ಮೆಯಪತ್ರಕರ್ತ’ಗೌರವ ನೀಡಿ ಸನ್ಮಾಸಿದರು.
ಸಾವಿನಲ್ಲೂ ಮಾನವೀಯತೆ ಮರೆದುತನ್ನ ಕಣ್ಣುಗಳನ್ನು ದಾನ ನೀಡಿದ ಹರೀಶ್ ನಂಜಪ್ಪಅವರಿಗೆ ಹೆಮ್ಮೆಯ ಶ್ರೀಸಾಮಾನ್ಯ ಗೌರವ ನೀಡಲಾಯಿತು. ಹರೀಶ್ ನಂಜಪ್ಪ ತಾಯಿ ಗೀತಾ ಅವರು ಪಬ್ಲಿಕ್ ಟಿ.ವಿಯ ಎಚ್.ಆರ್.ರಂಗನಾಥ್‍ಅವರಿಂದ ಈ ಗೌರವ ಪಡೆದರು.
ಸಾಲು, ಸಾಲು ಮರಗಳನ್ನು ನೆಟ್ಟು ಹಸಿರಿಗೆ ಉಸಿರು ನೀಡಿದ ಸಾಲು ಮರದತಿಮ್ಮಕ್ಕನವರಿಗೆ, ಕನ್ನಡಚಿತ್ರರಂಗದ ಹೆಸರಾಂತ ನಟಿಲಕ್ಷ್ಮಿ‘ಹೆಮ್ಮೆಯಸಮಾಜಸೇವಕರು’ಪ್ರಶಸ್ತಿನೀಡಿ ಗೌರವಿಸಿದರು.
ನೈಸರ್ಗಿಕ ಕೃಷಿಯಲ್ಲಿ ಕ್ರಾಂತಿಯ ಹರಿಕಾರ ಕೋಲಾರದ ನಾರಾಯಣರೆಡ್ಡಿಯವರು ದುನಿಯಾ ವಿಜಯ್‍ ಅವರಿಂದ‘ಹೆಮ್ಮೆಯ ರೈತ’ಪ್ರಶಸ್ತಿ ಸ್ವೀಕರಿಸಿದರು.
ಮಹಿಳಾ ಕ್ರಿಕೆಟ್‍ನಲ್ಲಿ ಸಾಧನೆಗೈದ ರಾಜೇಶ್ವರಿ ಗಾಯಕ್‍ವಾಡ್ ಮತ್ತು ವೇದಾ ಕೃಷ್ಣಮೂರ್ತಿಅವರನ್ನು ನಟಿ ಲಕ್ಷ್ಮಿಅಮ್ಮ‘ಹೆಮ್ಮೆಯ ಕ್ರೀಡಾಪಟು’ಪ್ರಶಸ್ತಿಯೊಂದಿಗೆ ಗೌರವಿಸಿದರು.
ನಾಡಿಗೆ ಅನೇಕ ದಿಗ್ಗಜರನ್ನು ನೀಡಿದ ರಂಗಸಂಸ್ಥೆ ನೀನಾಸಂಗೆ ನವರಸನಾಯಕ ಜಗ್ಗೇಶ್‘ಹೆಮ್ಮೆಯ ರಂಗಸೇವೆ’ಪ್ರಶಸ್ತಿ ನೀಡಿದರು.
5 ರೂಪಾಯಿ ವೈದ್ಯರೆಂದೇ ಪ್ರಸಿದ್ಧರಾದ ಡಾ.ಶಂಕರೇಗೌಡ ಅವರನ್ನು ನಿವೃತ್ತ ಲೋಕಾಯುಕ್ತ ಸಂತೋಷ ಹೆಗ್ಡೆ ‘ಹೆಮ್ಮೆಯ ವೈದ್ಯ’ ಬಿರುದಿನೊಂದಿಗೆ ಗೌರವಿಸಿದರು.
ಐಪಿಎಸ್ ಮಾಡಿದ ಮೊದಲ ಕನ್ನಡತಿ ಎಂಬ ಖ್ಯಾತಿಯ ರೂಪಾ ಮುದ್ಗಿಲ್‍ ಅವರಿಗೆ ವಿಜಯ್‍ರಾಘವೇಂದ್ರ ಅವರು ‘ಹೆಮ್ಮೆಯ ಸಾಧಕಿ’ ಗೌರವ ನೀಡಿದರು.
ರಾಜ್‍ಕುಮಾರ್‍ಚಿತ್ರದ ಮೂಲಕ ಕನ್ನಡಚಿತ್ರರಂಗದಲ್ಲಿ ಹೊಸದೊಂದು ಹವಾ ಸೃಷ್ಟಿಸಿದ ನಿರ್ದೇಶಕ ಸಂತೋಷ್‍ ಆನಂದರಾಮ್‍ಅವರಿಗೆ ಚಿತ್ರರಂಗದ ಹಿರಿಯ ನಿರ್ದೇಶಕ ಭಾರ್ಗವ ಅವರು‘ಹೆಮ್ಮೆಯ ನಿರ್ದೇಶಕ’ಗೌರವ ನೀಡಿದರು.
ರಾಜಕುಮಾರ ಚಿತ್ರಕ್ಕೆ ರಾಕ್‍ಲೈನ್ ವೆಂಕಟೇಶ್‘ಹೆಮ್ಮೆಯ ಚಲನಚಿತ್ರ’ ಎಂಬ ಗೌರವ ನೀಡಿದರು.
ಪವರ್ ಸ್ಟಾರ್ ಪುನೀತ್‍ರಾಜ್‍ಕುಮಾರ್‍ ಅವರಿಗೆ ರವಿಚಂದ್ರನ್ ‘ಹೆಮ್ಮೆಯ ನಾಯಕನಟ’ ಗೌರವ ನೀಡಿ ಅಭಿನಂದಿಸಿದರು.
ರಶ್ಮಿಕಾ ಮಂದಣ್ಣ ಅವರಿಗೆ ರಕ್ಷಿತ್ ಶೆಟ್ಟಿ ‘ಹೆಮ್ಮೆಯ ನಟಿ’ ಎಂಬ ಗೌರವ ಸಲ್ಲಿಸಿದರು.
ಕ್ರೇಜಿಸ್ಟಾರ್‍ರವಿಚಂದ್ರನ್‍ ಅವರ ಈವರೆಗಿನ ಸಿನಿಮಾರಂಗದ ಸಾಧನೆಗಾಗಿ "ಹೆಮ್ಮೆಯ ಚಿತ್ರಬ್ರಹ್ಮ’ ಗೌರವ ನೀಡಲಾಯಿತು. ರವಿಚಂದ್ರನ್‍ ಮಕ್ಕಳಾದ ಮನೋರಂಜನ್, ವಿಕ್ರಂ ಅವರು ಈ ಗೌರವ ನೀಡಿದ್ದು ವಿಶೇಷವಾಗಿತ್ತು.
ನಟರಮೇಶ್‍ಅರವಿಂದ್‍ ಅವರಿಗೆ ಚಿತ್ರನಟ ಯಶ್ ‘ಹೆಮ್ಮೆಯ ಸ್ಫೂರ್ತಿ’ ಗೌರವ ನೀಡಿ ಗೌರವಿಸಿದರು.
ವಿ.ನಾಗೇಂದ್ರ ಪ್ರಸಾದಅವರಿಗೆ ಸಾಹಿತಿ, ಬರಹಗಾರ ಜೋಗಿ ಹಾಗೂ ನಟಿ ಸಾನ್ವಿ ಶ್ರೀವಾಸ್ತವ್ ‘ಹೆಮ್ಮೆಯ ಚಿತ್ರಸಾಹಿತಿ’ ಗೌರವ ಸಲ್ಲಿಸಿದರು.
ನಾದಬ್ರಹ್ಮ ಹಂಸಲೇಖ ಹೆಸರಾಂತ ಗಾಯಕ ವಿಜಯ್‍ಪ್ರಕಾಶ್‍ ಅವರಿಗೆ ‘ಹೆಮ್ಮೆಯ ಧ್ವನಿ’ ಗೌರವನೀಡಿ ಗೌರವಿಸಿದರು.
ಸಂಗೀತ ನಿರ್ದೇಶಕ ಅರ್ಜುನ್‍ಜನ್ಯ ಅವರಿಗೆ ನಟ ಶ್ರೀಮುರುಳಿ ‘ಹೆಮ್ಮೆಯ ಸಂಗೀತಗಾರ’ ಗೌರವ ನೀಡಿ ಗೌರವಿಸಲಾಯಿತು.
ಒಂದು ಮೊಟ್ಟೆಯ ಕಥೆ ಖ್ಯಾತಿಯ ರಾಜ್.ಬಿ.ಶೆಟ್ಟಿ ಅವರಿಗೆ ಯೋಗ್‍ರಾಜ್ ಭಟ್‍ ಅವರು ‘ಹೆಮ್ಮೆಯ ಹೊಸಪ್ರತಿಭೆ’ ಎಂಬ ಗೌರವ ನೀಡಿದರು.
ಜೀ ಕನ್ನಡ ವಾಹಿನಿಯೇ ಸಿದ್ಧಪಡಿಸಿದ ಕರುನಾಡಿನ ವಿಶೇಷತೆಯನ್ನು ಬಿಂಬಿಸುವ ‘ಹೆಮ್ಮೆಯಕನ್ನಡಿಗ’ವಿಶೇಷಗೀತೆಗೆ ನಿರೂಪಕಿ ಅನುಶ್ರಿ ನಾಡಿನ ಅನೇಕ ಕಲಾತಂಡಗಳೊಂದಿಗೆ ಹೆಜ್ಜೆಹಾಕಿದರು. ನಿರುಪಮಾ ರಾಜೇಂದ್ರ ಅವರ ನೃತ್ಯ, ಪ್ರವೀಣ್‍ಡಿ.ರಾವ್ ಸಂಗೀತ ತಂಡದೊಂದಿಗೆ ವಿಜಯ್ ಪ್ರಕಾಶ್, ಸಂಗೀತ ಕಟ್ಟಿ, ಫಯ್ಯಾಜ್‍ಖಾನ್‍ ಅವರ ಗಾಯನ, ನಟ ದುನಿಯಾ ವಿಜಯ್, ರಂಗಾಯಣರಘು, ಶರಣ್, ನಟಿ ಸಾನ್ವಿ ಶ್ರೀವಾಸ್ತವ್ ಸೇರಿದಂತೆ ಅನೇಕ ಚಿತ್ರ, ಧಾರಾವಾಹಿ ನಟ, ನಟಿಯರು ವಿವಿಧ ಗೀತೆಗಳಿಗೆ ಹೆಜ್ಜೆ ಹಾಕಿದ್ದಾರೆ.
ರಮೇಶ್‍ಅರವಿಂದ್ ನಿರೂಪಣೆಯೊಂದಿಗೆ ಮನರಂಜನೆಯ ಹಬ್ಬದೂಟವನ್ನು ಹೊಂದಿರುವ ‘ಹೆಮ್ಮೆಯಕನ್ನಡಿಗ’ಮಾರ್ಚ್.17,18 ರಂದು ರಾತ್ರಿ 7.30ಕ್ಕೆ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.
#Cineloka #HemmeyaKannadiga #ZeeKannada

 

18 ವರ್ಷಗಳ ಹಿಂದೆ ವಿ ರವಿಚಂದ್ರನ್ ಅಭಿನಯಿಸಿದ ‘ಓ ಪ್ರೇಮವೇ ಬಿಡುಗಡೆಗೊಂಡಿತ್ತು. ಅದೇ ಶೀರ್ಷಿಕೆ ಹೊಂದಿರುವ ಮತ್ತೊಂದು ಚಿತ್ರ ಈ ವಾರ ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ.

 

ಲಂಡನ್ ಫಿಲ್ಮ್ ಅಕಾಡೆಮಿಯಲ್ಲಿ ಡೈರೆಕ್ಷನ್‌ ಕೋರ್ಸ್‌ ಮಾಡಿರುವ ಮನೋಜ್ ಈ ಚಿತ್ರಕ್ಕೆ ಆ್ಯಕ್ಷನ್‌ ಕಟ್‌ ಹೇಳಿ ಸ್ವತಃ ನಾಯಕರಾಗಿದ್ದಾರೆ. ಶ್ರೀಮತಿ ಸಿ ಟಿ ಚಂಚಲ ಕುಮಾರಿ ಅವರು ಬಂಡವಾಳ ಹಾಕಿದ್ದಾರೆ.

 

ಕ್ರೇಜಿ ಸ್ಟಾರ್ ವಿ ರವಿಚಂದ್ರನ್ ಅವರಿಂದ ಸ್ಪೂರ್ತಿಗೊಂಡಿದ್ದ ಮನೋಜ್ ತ್ರಿಕೋನ ಪ್ರೇಮ ಕಥೆಯೊಂದನ್ನು ಆಯ್ಕೆ ಮಾಡಿಕೊಂಡು ಸಿನಿಮಾ ಮಾಡಿದ್ದಾರೆ. ನಿಜ ಜೀವನದಲ್ಲಿ ಸಂಭವಿಸಿದ ಘಟನೆಯೊಂದಕ್ಕೆ ಒಂದಿಷ್ಟು ಸಿನಿಮ್ಯಾಟಿಕ್ ಅಂಶಗಳನ್ನು ಸೇರಿಸಿ ಈ ಚಿತ್ರ ಮಾಡಲಾಗಿದೆಯಂತೆ.

 

ಮನೋಜ್‌ ಈ ಮುಂಚೆ ಮೊಗ್ಗಿನ ಮನಸು ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಮನೋಜ್ ಕುಮಾರ್ಗೆಜೋಡಿಯಾಗಿ ನಿಕ್ಕಿ ಗರ್ಲಾನಿ ಹಾಗೂ ಅಪೂರ್ವ ನಟಿಸಿದ್ದಾರೆ. ರಂಗಾಯಣ ರಘು, ಸಾಧು ಕೋಕಿಲ, ಬುಲೆಟ್ ಪ್ರಕಾಶ್, ಪ್ರಶಾಂತ್ ಸಿದ್ದಿ ಹಾಗೂ ವಿಶೇಷ ಪಾತ್ರದಲ್ಲಿ ಹುಚ್ಚ ವೆಂಕಟ್ ಅಭಿನಯಿಸಿದ್ದಾರೆ.

 

ಈ ಚಿತ್ರಕ್ಕೆ ಆನಂದ್ ರಾಜ ವಿಕ್ರಮ್ ಹಾಗೂ ರಾಹುಲ್ ದೇವ್ ಸಂಗೀತ ನೀಡಿದ್ದಾರೆ. ಈ ಚಿತ್ರದಲ್ಲಿ ಆರು ಹಾಡುಗಳಿದ್ದು ಎರಡು ಹಾಡುಗಳನ್ನು ಸ್ವಿಟ್ಜರ್ ಲ್ಯಾಂಡ್ ಅಲ್ಲಿ ಚಿತ್ರೀಕರಿಸಲಾಗಿದೆ

 
ಪ್ರಪ್ರಥಮ ಬಾರಿಗೆ ಧಾರಾವಾಹಿಗಳನ್ನ ಕನ್ನಡದ ಪ್ರೇಕ್ಷಕರಿಗೆ ಉಣಬಡಿಸಿ, ಸತತ 23 ವರ್ಷಗಳಿಂದ ಅನೇಕ ಮನರಂಜನಾ ಕಾರ್ಯಕ್ರಮಗಳು ಮತ್ತು ವಿಭಿನ್ನ ಹೊಸ ಧಾರಾವಾಹಿಗಳನ್ನ ನೀಡುತ್ತಾ ಬಂದಿರುವ ಉದಯ ಟಿವಿ ಈಗಾಗಲೇ ಜನಮನಗೆದ್ದಿದೆ. ಇದೀಗ ಹೊಚ್ಚ ಹೊಸ ಧಾರಾವಾಹಿಯೊಂದನ್ನು ಪ್ರೇಕ್ಷಕರಿಗೆ ನೀಡಲುಉದಯ ಟಿವಿ ಸಜ್ಜಾಗಿದೆ. ಒಂದು ರೋಮಾಂಚಕ ಪ್ರೇಮಕಥೆಯಾದ “ಕಣ್ಮಣಿ” ಮಾರ್ಚ್ 19ರಿಂದ ಸೋಮವಾರದಿಂದ ಶುಕ್ರವಾರ ರಾತ್ರಿ 10:00ಕ್ಕೆ ಪ್ರಸಾರವಾಗಲಿದೆ.
“ಕಣ್ಮಣಿ” ಒಂದು ರೋಮಾಂಚಕ, ತ್ರಿಕೋನ ಪ್ರೇಮಕಥೆ. ಹೆಸರೇ ಹೇಳುವಂತೆ ಇದುಎಲ್ಲರ ಪ್ರೀತಿಗೆ ಪಾತ್ರಳಾಗುವ ನಾಯಕಿ ಕೇಂದ್ರಿತ ಧಾರಾವಾಹಿ. ತನಗೆ ಇರೋ ಸಮಸ್ಯೆಗಳ ನಡುವೆ ಎಲ್ಲರಿಗೂ ಪ್ರೀತಿ ಹಂಚಿಅವರ ಪ್ರೀತಿಗೆ ಪಾತ್ರಳಾಗುವ ಒಬ್ಬ ದಿಟ್ಟ ಹುಡುಗಿ ಅಂಜಲಿ. ತನ್ನ ಜೀವನದಲ್ಲಿ ನಡೆದ ಅಹಿತಕರ ಘಟನೆಯಿಂದ ನೊಂದ ನಾಯಕಿತನ್ನ ಹೊಸ ಬದುಕು ಹೇಗೆ ಕಟ್ಟಿಕೊಳ್ಳುತ್ತಾಳೆ. ಅವಳ ಮುಂದೆ ಎದುರಾಗುವ ವ್ಯಕ್ತಿಗಳನ್ನು, ಸವಾಲುಗಳನ್ನ ಹೇಗೆ ಎದುರಿಸುತ್ತಾಳೆ ಅನ್ನುವುದೇ ಈ ಕಥೆಯ ತಿರುಳು.
ಕೋಟ್ಯಾಂತರ ರೂಪಾಯಿ ಆಸ್ತಿ ಇರುವ ಒಬ್ಬ ಕಡಕ್ ಬಿಸಿನೆಸ್‍ಮ್ಯಾನ್ ದ್ವಾರಕನಾಥ್‍ಅಲಿಯಾಸ್‍ಡಿ.ಕೆ. “ತಾನುತಪ್ಪು ಮಾಡಲ್ಲ, ತಪ್ಪು ಮಾಡಿದವರನ್ನೂ ಬಿಡಲ್ಲ” ಅನ್ನೋದು ಇವನ ಘೋಷವಾಕ್ಯ. ಹೆಂಡತಿಕಾವ್ಯ ಸತ್ತು ನಾಲ್ಕು ವರ್ಷಗಳಾದರೂ ಇನ್ನೊಂದು ಮದುವೆಯಾಗದೆ ಅವಳ ನೆನಪಲ್ಲಿಇರೋಅಮರ ಪ್ರೇಮಿ. ಮಡದಿ ಮುಮತಾಜ್‍ಗಾಗಿ ಶಹಜಾನ್‍ ತಾಜ್ ಮಹಲ್ ಕಟ್ಟಿಸಿದ್ರೆ, ಡಿಕೆ ಹೆಂಡತಿ ಮೇಲಿನ ಪ್ರೀತಿಗೆಕಾವ್ಯ ಮಹಲ್ ಕಟ್ಟಿಸಿ ಇತಿಹಾಸ ಸೃಷ್ಟಿಸಲು ಹೊರಟವನು. ಅದಕ್ಕಾಗಿ ಏನೂ ಬೇಕಾದ್ರೂ ಮಾಡಲು ಸಿದ್ಧ ಇವನು. ಮುಂದೊಂದು ದಿನ ತನ್ನ ಹೆಂಡತಿಯ ರೂಪವುಳ್ಳ ಹುಡುಗಿಯೊಬ್ಬಳು ಇವನಿಗೆ ಎದುರಾಗುತ್ತಾಳೆ. ಅವಳು ಅವನ ಹೆಂಡಿತಿಯೇ, ಸತ್ತಿರುವವಳು ಎದುರಿಗೆ ಬರಲು ಹೇಗೆ ಸಾಧ್ಯಾ? ಅಥವಾ ಅವಳೇ ಬೇರೆನಾ? ಇದು ಇವನ ಕಥೆ.
ಕಣ್ಮಣಿಯ ಇನ್ನೊಬ್ಬ ನಾಯಕ ಕಿಶನ್. ತುಂಬು ಕುಟುಂಬದಲ್ಲಿ ಬೆಳದಿರೋ ಇವನು ಸಂಸ್ಕಾರವಂತನೂ, ತುಂಟನೂ ಹೌದು. ಸ್ವಂತಃ ಕಂಪನಿ ಇದ್ರೂ ಪ್ರೀತಿಗಾಗಿ ಕೂಲಿ ಕೆಲಸ ಮಾಡೋಕು ಸಿದ್ಧ. ನಾಯಕಿಯ ಒಳ್ಳೆತನಕ್ಕೆ ಮನಸೋಲುವ ಕಿಶನ್ ಅವಳ ಮುಂದೆ ಪ್ರೇಮ ಭಿಕ್ಷೆ ಬೇಡುತ್ತಾನೆ. ನಾಯಕಿ ತನ್ನ ಜೀವನದಲ್ಲಿ ನಡೆದಘಟನೆ ಹೇಳಿ ಅವನಿಂದದೂರ ಹೋಗ್ತಾಳೆ. ಕಿಶನ್‍ ತನ್ನ ಪ್ರೀತಿಯನ್ನ ಹೇಗೆ ಪಡೆಯುತ್ತಾನೆ, ನಾಯಕಿ ಅವನಿಗೆ ಸಿಗುತ್ತಾಳಾ? ಅನ್ನೋದು ಇವನ ಕಥೆ.
ಪ್ರತೀ ಸಂಚಿಕೆಯಲ್ಲೂ ಕುತುಹಲಕಾರಿ ತಿರುವುಗಳನ್ನು ಹೊಂದಿದ್ದು, ಡಿಕೆ, ಅಂಜಲಿ, ಕಿಶನ್ ಈ ಮೂವರ ನಡುವೆ ನಡೆಯುವ ರೋಮಾಂಚಕ ಪ್ರೇಮಕಥೆಯೇಕಣ್ಮಣಿ. ಇಲ್ಲಿ ಪ್ರತಿಯೊಂದು ಪಾತ್ರಗಳು ತಮ್ಮದೇ ಆದ ಔಚಿತ್ಯವನ್ನು ಹೊಂದಿರುವುದು ಈ ಕಥೆಯ ವಿಶೇಷ.
ಕಣ್ಮಣಿ “ಪಾರಿಜಾತ ಟೆಲಿ ಎಂಟರ್‍ಟ್ರೆನರ್ಸ್” ಬ್ಯಾನರ್ ಅಡಿ ನಿರ್ಮಾಣವಾಗುತ್ತಿದೆ. ಚಿತ್ರಕಥೆದೇವ್, ವೆಂಕಟ್‍ರಾಮ್‍ ಅವರದ್ದು, ಸಂಭಾಷಣೆರೂಪಾ ಪ್ರಭಾಕರ್, ಎಸ್. ಎಂ.ಪಾಟೀಲ್, ರಾಜಶೇಖರ್ ಬರೆಯುತ್ತಿದ್ದಾರೆ. ನಿರ್ದೇಶಕ ಪೃಥ್ವಿರಾಜ್‍ ಕುಲ್‍ಕರ್ಣಿ ಅವರು ನಿರ್ದೇಶಿಸುತ್ತಿದ್ದು, ಜೀವ ಅವರು ಛಾಯಾಗ್ರಹಣ ಜವಾಬ್ದಾರಿ ಹೊತ್ತಿದ್ದಾರೆ.
ಹಲವು ಧಾರಾವಾಹಿಗಳಲ್ಲಿ ನಟಿಸಿ ಸೈ ಎನಿಸಿಕೊಂಡ ದಿವ್ಯಾ ಶೈಲೇಶ್ ನಾಯಕಿಅಂಜಲಿ ಪಾತ್ರ ನಿಭಾಯಿಸುತ್ತಿದ್ದಾರೆ, ಕಿರುತೆರೆಗೆ ಈಗ ತಾನೆ ಕಾಲಿಟ್ಟ ದರ್ಶಕ್‍ಗೌಡ ‘ಡಿ.ಕೆ’ ಪಾತ್ರ ಹಾಗೂ ಇನ್ನೊಬ್ಬ ನಾಯಕ ‘ಕಿಶನ್’ ಪಾತ್ರವನ್ನು ನಂದೀಶ್‍ ಅಂದಗಾರ ಮಾಡುತ್ತಿದ್ದಾರೆ. ಬೆಂಗಳೂರು ನಾಗೇಶ್, ಮೈಸೂರು ಮಾಲತಿ, ಗಿರೀಶ್, ಮೈಸೂರು ಶೋಭಾ, ನಾಯಕ್, ಸುಜಾತ, ಬೇಬಿ ಶ್ರೀಲಕ್ಷ್ಮಿ, ಸಿಂಚನ್ ಮುಂತಾದವರು ತಾರಾಬಳಗದಲ್ಲಿದ್ದಾರೆ.
ತಾರಾಬಳಗವೂ ಶಕ್ತವಾಗಿದ್ದು, ಈಗಾಗಲೇ ಮೂವತ್ತಕ್ಕೂ ಹೆಚ್ಚು ಸಂಚಿಕೆಗಳನ್ನು ಚಿತ್ರೀಕರಿಸಲಾಗಿದೆ. ನಿರೀಕ್ಷಿತ ಫಲಿತಾಂಶವೇ ಬಂದಿದ್ದು, ಕನ್ನಡ ಕಿರುತೆರೆ ಮಾರುಕಟ್ಟೆಯಲ್ಲಿ ಹೊಸ ಮೈಲಿಗಲ್ಲಾಗಲಿದೆ ಎಂಬ ವಿಶ್ವಾಸ ಧಾರಾವಾಹಿ ತಂಡದ್ದು. ಹಾಗೆ ಕಣ್ಮಣಿ ಧಾರಾವಾಹಿಯ ಶೀರ್ಷಿಕೆ ಗೀತೆಯನ್ನ ಸುಕನ್ಯಾ ಹಾಸನ್ ಬರೆದಿದ್ದು, ಶ್ರೀಧರ್ ಸಂಭ್ರಮ್, ಹಿತನ್ ಹಾಸನ್ ಸಂಗೀತ ನಿರ್ದೇಶನ ಮಾಡಿದ್ದಾರೆ.
ತ್ರಿಕೋನ ಕಥೆಯ “ಕಣ್ಮಣಿ” ಇದೇ ಮಾರ್ಚ್ 19ರಿಂದ ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 10.00ಕ್ಕೆ ಉದಯಟಿವಿಯಲ್ಲಿ ಪ್ರಸಾರವಾಗಲಿದೆ.
 
#Kanmani #Cineloka #UdayaTV

ಚಿರು ಸರ್ಜಾ, ನಿಷ್ವಿಕ ನಾಯ್ಡು ಅಭಿನಯದ, ದ್ವಾರಕೀಶ್ ಚಿತ್ರ ನಿರ್ಮಾಣದ ೫೧ನೇ ಚಿತ್ರ “ಅಮ್ಮ ಐ ಲವ್ ಯು” ಚಿತ್ರದ ಫಸ್ಟ್ ಲುಕ್ ಯುಗಾದಿ ಹಬ್ಬದ ದಿನ ಬಿಡುಗಡೆ ಮಾಡುವುದಾಗಿ ಚಿತ್ರತಂಡ ತಿಳಿಸಿದೆ.

 

ಕೆ ಎಂ ಚೈತನ್ಯ ನಿರ್ದೇಶನದ ಈ ಚಿತ್ರದ ಚಿತ್ರೀಕರಣ ಮುಗಿದಿದ್ದು, ಸದ್ಯ ಪೋಸ್ಟ್ ಪ್ರೊಡಕ್ಷನ್ ಕೆಲಸದಲ್ಲಿ ನಿರತವಾಗಿದೆ ಚಿತ್ರತಂಡ. ಗುರುಕಿರಣ್ ಸಂಗೀತವಿರುವ ಹಾಡುಗಳು ಏಪ್ರಿಲ್ ತಿಂಗಳಲ್ಲಿ ಬಿಡುಗಡೆಯಾಗಲಿವೆಯಂತೆ.

 

ತಾರಾಗಣದಲ್ಲಿ ಸಿತಾರಾ, ಪ್ರಕಾಶ್ ಬೆಳವಾಡಿ, ಬಿರಾದಾರ್,ಚಿಕ್ಕಣ್ಣ, ರವಿಕಾಳೆ ಕೂಡ ಇದ್ದಾರೆ.

Page 8 of 15

kismat

aaadi nigif

ad free

ರಿಯಲ್ ಸ್ಟಾರ್ ಉಪೇಂದ್ರ ರಾಜ್ಯ ರಾಜಕೀಯದಲ್ಲಿ ಯಾವ ಪಕ್ಷ ಸೇರಬೇಕು.?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top